រាជធានីភ្នំពេញ ៖ និស្សិតស្រីម្នាក់បានចាក់សោទ្វារបន្ទប់ លេបថ្នាំងងុយដេក អស់៣០គ្រាប់ប៉ុនប៉ងធ្វើអត្តឃាត តែត្រូវបានក្រុមគ្រួសារបញ្ជូនទៅសង្គ្រោះនៅ មន្ទីរពហុព្យាបាលនិងសម្ភពអង្គរធំទាន់ពេលវេលា ។ ហេតុការណ៍នេះ បង្កឱ្យមានការភ្ញាក់ផ្អើល កាលពីវេលាម៉ោង ៣និង៣០នាទីរសៀលថ្ងៃទី០៧ មករា ២០១៤ នៅចំណុចផ្ទះលេខ២២២ ផ្លូវ១៥៦ សង្កាត់ទឹកល្អក់ទី២ ខណ្ឌទួលគោក ។
បើតាមសេចក្តីរាយការណ៍បានឱ្យដឹងថា នារីរងគ្រោះត្រូវបានគេស្គាល់ឈ្មោះ ញ៉ុល វិបុលរមនាថ អាយុ២២ឆ្នាំ ជានិស្សិតនៅសាកលវិទ្យាល័យមួយ ស្នាក់នៅផ្ទះកើតហេតុ ។ ការដែលនិស្សិតស្រីខាងលើលេបថ្នាំសម្លាប់ខ្លួន គេមិនទាន់ដឹងមូលហេតុនៅឡើយ តែគេសង្ស័យមានវិបត្តិស្នេហ៍ ។
សេចក្តីរាយការណ៍បន្តថា មុនពេលកើតហេតុ នារីរងគ្រោះបានផ្ញើសារទៅបង ស្រីរបស់នាងនៅបឹងកេងកង ដោយមានន័យថាលាហើយ ទើបបង្កឱ្យមានការផ្អើលឆោឡើងតែម្តង ហើយមូលហេតុបងស្រីរបស់នាងក៏ទាន់ដឹងដែរ ៕
ផ្តល់សិទ្ធដោយ កោះសន្តិភាព
ប្រភពពី៖ www.khmerload.com
0 comments:
Post a Comment