ចំបាប់មកត្រឡប់ពី SEA Games ដោយស្ពាយមេដាយ១០គ្រឿងមកវិញ
ភ្នំពេញ: ភ្នំពេញ:កីឡាកម្ពុជា ៤ ប្រភេទបានត្រឡប់មកពី SEA Games វិញហើយដោយមានប្រភេទខ្លះចុះពីយន្ដហោះដោយញញឹមក្រោមការជូនពរពិ មិត្តភ័ក្តិ និង ខ្លះទៀតគេចមុខពីគេតែម្ដង ។
៤ប្រភេទកីឡាដែលត្រឡប់មកវិញនោះមានប្រដាល់សាកល ដែលមិនបានមេដាយសោះ កីឡាវាយសីក៏មិនបានមេដាយដែរ កីឡាវូស៊ូបានមេដាយសំរិទ្ធ ១ គ្រឿង និង កីឡាចំបាប់ស្ពាយមេដាយឡើងទ្រេតខ្លួនចំនួន ១០គ្រឿងមកវិញគឺមេដាយមាស ៤ គ្រឿង ប្រាក់ ២គ្រឿង និង សំរិទ្ធ ៤ គ្រឿង ។
លោកធិន វិចិត្រដែលជាអគ្គលេខាធិការចំបាប់ចុះពីយន្ដហោះដោយរីករាយ ឯ លោកជា ប៊ុនហេងដែលជាអនុប្រធានសហព័ន្ធចំបាប់ដែលត្រឡប់មកជាមួយគ្នាដែរនោះក៏ ត្រៀមបបួលអ្នកសារពត៌មានទៅជប់លៀងជ័យជំនះរបស់ចំបាប់ផឹកឲ្យសប្បាយ ម្ដង ។ចំពោះប៉េតង់ដែលមិនទាន់ត្រឡប់មកវិញនោះបាត់បង់ឱកាសរកមេដាយមាស ហើយតែប៉េតង់ពេលនេះបានមេដាយប្រាក់ ៣ និង សំរិទ្ធ ១ ជាបណ្ដោះអាសន្នសិន ។
ស្ថានភាពមេដាយនៅ SEA Games ពេលនេះគឺថៃនៅលើគេដោយបានមេដាយមាស៤៥ ប្រាក់៤១ សំរិទ្ធ ៤០ ។មីយ៉ាន់ម៉ាធ្លាក់មកលេខ ២ ដោយបានមាស ៣៨ ប្រាក់៣១ សំរិទ្ធ៣៥ ។វៀតណាម មាស ៣៦ ប្រាក់៣២ សំរិទ្ធ ៤១ ។ឥណ្ឌូនេស៊ី មាស ៣១ ប្រាក់៤៧សំរិទ្ធ៤៤ ។ ម៉ាឡេស៊ី មាស ២៤ ប្រាក់ ១៦ សំរិទ្ធ ៤០ ។សឹង្ហបូរីមាស១៦ ប្រាក់១៤ សំរិទ្ធ២៤ ។ ហ្វីលីពីន មាស ១០ប្រាក់១៣សំរិទ្ធ ២១ ។កម្ពុជា មាស ៤ ប្រាក់៧ សំរិទ្ធ ១២ ។ឡាវមាស ២ ប្រាក់ ៦ សំរិទ្ធ១៨ ព្រុយណេ មាស ១ ប្រាក់ ១ សំរិទ្ធ ៤ និង ទីម័រខាងកើត មេដាយសំរិទ្ធ ១ ។
ប្រភពពី៖ www.khmer-note.com
0 comments:
Post a Comment