យុវវ័យខ្មែរទៅផឹកកាហ្វេវៀតណាម ឬទៅមើលសុដន់អ្នរត់តុ?
ដោយសារប្រើយុត្តិសាស្ត្រសិចស៊ី ប៉ុន្មានឆ្នាំចុងក្រោយនេះគេឃើញថា ហាងកាហ្វេវៀតណាមមានយុវវ័យចូលមិនចេះដាច់ បើប្រៀបធៀបនឹងហាងកាហ្វេខ្មែរ។
ជុំវិញរឿងនេះមានសំនួរសួរថា ហេតុអ្វីយុវវ័យចូលចិត្តទៅញ៉ាំកាហ្វេនៅហាងវៀតណាមម្ល៉េះ? តើយុវវ័យទាំងនោះទៅផឹកកាហ្វេ ឬមើលអ្វីផ្សេង? បើចង់ដឹងអាថ៌កំបាំងនេះ សូមតាមដានសម្ដីយុវវ័យដូចខាងក្រោម។
រូបតំណាង
ពាក់ព័ន្ធនឹងរឿងថាយុវវ័យខ្មែរចូលចិត្តញ៉ាំកាហ្វេវៀតណាមយុវជន រុន សីនុត បាននិយាយថា មូលហេតុសំខាន់គឺ សេវាកម្មល្អ និងស្រីស្អាតសិចស៊ី។
អតីតនិស្សិតសាកលវិទ្យាល័យធនធានមនុស្សផ្នែកទីផ្សាររូបនេះបានបន្តថា នារីវៀតណាមរាក់ទាក់ភ្ញៀវបានល្អ ហើយស្លៀកខ្លី តែងខ្លួនសិចស៊ី
បើនិយាយពីសេវាកម្មរហ័សទាន់ចិត្ត។ ពេលទំនេរលោកតែងចូលញ៉ាំកាហ្វេហាងវៀតណាមក្បែរផ្ទះលោកម្ដុំផ្សារកណ្ដាល។ ស៊ីនុតថា ពេលល្ងាចមានមនុស្សច្រើនណាស់ ដល់ថ្នាក់រកកន្លែងអង្គុយគ្មាន។
“និយាយមិនលាក់បាំងអីទេ ខ្ញុំចូលចិត្តញ៉ាំព្រោះមានសេវាកម្មល្អ ហើយមាននារីស្អាតៗសិចស៊ី អង្គុយកំដរនិយាយលេង ។ ញយដងដែរ ពេលគេលើកកាហ្វេមក ខ្ញុំតែងតែដៀងភ្នែកមើលកអាវគេ ”។
ស្រដៀងនេះដែរ សុផា អតីតនិស្សិតផ្នែកធនាគារហិរញ្ញវត្ថុនៃសាកលវិទ្យាល័យជាតិគ្រប់គ្រងបានលើកឡើងថា បើធៀបនឹងកាហ្វេខ្មែរ កាហ្វេវៀតណាមមានរសជាតិឆ្ងាញ់ជាង និងធូរថ្លៃ។ ម្យ៉ាងទៀតមាននារី Cute Cute ចាំបម្រើ។ ក្រៅពីចំណុចទាំងនេះ សុផា ហាក់មិនបានចាប់អារម្មណ៍លើអ្វីជាងនេះឡើយ។
ចំណែកប្អូនប្រុស ទៀង បញ្ញា និស្សិតជំនាញឧស្សាហកម្ម និងមេកានិចឆ្នាំទី២នៅវិទ្យាស្ថានបច្ចេកវិទ្យាកម្ពុជាបញ្ចេញមតិថា ឱ្យតែកន្លែងនោះស្អាត ធូរថ្លៃ និងមាននារីបម្រើស្អាតសិចស៊ី មិនខ្វះទេភ្ញៀវចូល។ យ៉ាងណាមិញ កាហ្វេវៀតណាមមានរសជាតិឆ្ងាញ់ ហើយនារីក៏ស្អាត។
និស្សិតមកពីខេត្តតាកែវរូបនេះបានបន្ថែមយ៉ាងដូច្នេះថា “នៅពេលល្ងាចខ្ញុំនិងមិត្តភ័ក្ដិ តែងនាំគ្នាទៅញ៉ាំកាហ្វេវៀតណាមមួយនៅម្ដុំបាក់ទូក។ ទីនោះមានកន្លែងស្អាត កាហ្វេឆ្ងាញ់ មានទូរទស្សន៍ពីបីគ្រឿងសម្រាប់មើលបាល់ទាត់ ខ្សែភាពយន្ត និងនារីស្លៀកខ្លីបញ្ចេញសាច់ទ្រូងស្ទើរគ្រប់ៗគ្នា។ ចំណុចមួយទៀតនោះ គឺនារីៗមកនិយាយលេង ធ្វើឱ្យកើតមានអារម្មណ៍ស្និទ្ធស្នាល មកម្ដងហើយចង់មកម្ដងទៀត”។
មិនខុសពីគេប៉ុន្មានទេយុវជន ហេង រ៉ាវី បានប្រាប់ថា លោកចូលចិត្តញ៉ាំកាហ្វេវៀតណាម ព្រោះឆ្ងាញ់ និងអ្វីដែលជានុយទាក់ទាញអតិថិជននោះគឺស្រីសិចស៊ី លេចលើលេចក្រោម។ ដូចកំណាព្យចិនថា អ្នកក្លាហានមិនអាចឆ្លងផុតពីដំណាក់ស្រីស្អាត។
ថ្ងៃណូអែលជ្រៀតចូលក្នុងគំនិតយុវវ័យខ្មែរដោយរបៀបណា?
បុគ្គលិកក្រុមហ៊ុនឯកជនមួយក្នុងរាជធានីភ្នំពេញ រ៉ាវី បានបន្ថែមថា “មានម្ដងនោះនារីលើកកាហ្វេចំអន់ខ្ញុំដោយសាររឿងមើលទ្រូងហ្នឹង តែសំណាងល្អខ្ញុំ ចេះលេងសម្ដីទៅវិញ កុំអីខ្ញុំខ្មាសគេហើយ”។
បើតាមការធ្វើបទសម្ភាសន៍លើប្រធានបទនេះ យុវវ័យភាគច្រើនបានលើកឡើងស្រដៀងៗគ្នា ដែលហាក់មិនទៅណាឆ្ងាយពីរឿងសិចស៊ីឡើយ។ ចុះចំណែក អ្នកវិញយល់យ៉ាងណាដែរ? យល់ស្រប ឬមិនយល់ស្រប់? បើយល់ស្របឬយ៉ាងណានោះ សូមបញ្ចេញមតិក្នុងប្រអប់ Comment ខាងក្រោម៕
ប្រភពពី៖ www.nob70.com
0 comments:
Post a Comment