នេះគឺថ្ងៃទី ១១-១២-១៣ មានន័យអីដែរ?
ថ្ងៃនេះនៅលើបណ្តាញសង្គមហ្វេសប៊ុក គេសង្កេតឃើញថា មានអ្នកលេងហ្វេសប៊ុកជាច្រើនបានផ្ញើពាក្យជូនពរគ្នាទៅវិញទៅមក ដោយពួគេបានអះអាងថា ថ្ងៃនេះជាថ្ងៃល្អគឺថ្ងៃទី 11-12-13។
តើថ្ងៃទី ១១-១២-១៣ ពិតជាថ្ងៃល្អមែនទេ?
ជាការពិតវាជាថ្ងៃធម្មតាតែប៉ុណ្ណោះ តែវាមានលក្ខណពិសេសត្រង់ថា វាងាយនិងចងចាំ ហើយវាមានលេខរៀងគ្នា ជាថ្ងៃដែលគូស្នេហ៌ភាគច្រើនយល់ថា ការកសាងភាពផ្អែមល្ហែមនៅថ្ងៃ រឺការបង្កើតឳកាសពិសេសនៅថ្ងៃនេះ វានឹងធ្វើឲ្យការចងចាំរបស់គេក្លាយជាការចងចាំដ៏វិសេសវិសាលមួយ។
កញ្ញា ចំណាន អ្នកលក់សាំងតាមចិញ្ចើមផ្លូវបាននិយាយថា ខ្ញុំមិនខ្វល់ថាថ្ងៃនេះជាថ្ងៃល្អរឺមិនល្អនោះទេ ថ្ងៃដែលល្អសម្រាប់ខ្ញុំគឺជាថ្ងៃដែលខ្ញុំអាចលក់ដាច់ច្រើន មានប្រាក់ចំណេញច្រើន។ នាងបន្តថា «ថ្ងៃល្អ រឺមិនល្អ មិនមែនមកពីប្រតិទិននោះទេ តែគឺស្ថិតលើខ្លួនយើងផ្ទាល់..»។
ដោយឡែក លោកបូរិន្ទ អ្នកធ្វើការនៅហាងនំប៉័ងល្បីឈ្មោះមួយបានប្រាប់ថា ថ្ងៃល្អមែន ព្រោះថ្ងៃនេះវាមានលេខរៀងគ្នា ហើយពិសេសទៅទៀត មានមនុស្សជាច្រើនចាត់ទុកវាជាថ្ងៃល្អ។ បូរិន្ទបានបង្ហាញទស្សនៈថា «ថ្ងៃល្អ គឺថ្ងៃដែលខ្លួនយើងទទួលបានសេចក្តីសុខពិតប្រាកដ មិនថាថ្ងៃណានោះទេ។ អ្វីៗវាកើតចេញពីខ្លួនឯង អំណាចខាងក្រៅ រឺពេលវេលាគ្រាន់តែជាកំលាំងជំរុញ រឺជាខែលសម្រាប់ធ្វើចិត្តរបស់យើងឲ្យនឹងនរ ហ៊ានជំនះធ្វើកិច្ចការផ្សេងៗប៉ុណ្ណោះ»។
ព្រះតេជគុណ កំសាន្ត នៅវត្តចាក់អង្រែក្រោមបានមានសង្ឃដីកាថា «មនុស្សគ្រប់រូបមានថ្ងៃល្អ និងមិនល្អផ្សេងៗគ្នា តែអ្វីដែលសំខាន់ភាពល្អ និងមិនល្អ (អាក្រក់) គឺកើតចេញពីអំពើរបស់ខ្លួនឯង។ ការចេះព្រមទទួលយក ការចេះលះបង់ ការចេះសម្របខ្លួន ការចេះហ្វឹកហាត់ចិត្តកុំឲ្យឆាប់ខឹង ឆាប់ចង់បាន ឆាប់ក្រេវក្រោធ គឺជាវិធីដែលធ្វើឲ្យមនុស្សយើង មានថ្ងៃល្អគ្រប់ពេលវេលា មិនចំពោះតែថ្ងៃណាមួយនោះទេ។» ព្រះតេជគុណមានសង្ឃដីកាបន្តថា «មនុស្សចង់បានថ្ងៃល្អ តែមនុស្សភាគច្រើនមិននាំគ្នាធ្វើអំពើល្អទេ។ គេចង់មាន ចង់បាន តែគេមិនខិតខំកសាង ស្វែងរក និងហ្វឹកហាត់ ធ្វើម៉េចនឹងអាចបានផល។ អំពើល្អ និងការខិតខំប្រឹងប្រែងដោយសុចរិតទៀងត្រង់ គឺជាកត្តាតែមួយគត់ក្នុងការបង្កើតថ្ងៃល្អពេញមួយជីវិត»។
ចុះចំណែកលោកអ្នកវិញ យល់យ៉ាងណាដែរ ចំពោះថ្ងៃនេះ..?
ប្រភពពី៖ www.neavea.com
0 comments:
Post a Comment