ដោយសារកំណើនគ្រោះថ្នាក់ចរាចរណ៍កាន់តែកើនឡើងជាបន្តបន្ទាប់គួរឲ្យកត់សម្គាល់ទើបក្រុមហ៊ុនមួយនៅអាមេរិកបង្កើតស្រោមដៃថ្មីបំពាក់ដោយបច្ចេកវិទ្យាជំនួយដែលអាចជួយកាត់បន្ថយគ្រោះថ្នាក់ចរាចរណ៍បានល្អប្រសើរជាងមុន។
សូមចុចអាន៖ បើ Galaxy S5 រូបរាងបែបនេះ ប្រិយមិត្តយល់យ៉ាងម៉េច?
ផលិតដោយក្រុមហ៊ុនបច្ចេកវិទ្យា Zackees ស្រោមដៃផ្ដល់សញ្ញា (Turn Signal Gloves) ត្រូវបានបំពាក់ដោយបច្ចេកវិទ្យាដ៏ទំនើបមួយ ដោយប្រើភ្លើងសញ្ញា(LED )ពណ៌លឿង ជាជម្រើសដ៏ល្អមួយដល់អ្នកថ្មើរជើង អ្នកជិះកង់ ឬ អ្នកជិះម៉ូតូទាំងឡាយប្រើប្រាស់នៅលើដងផ្លូវ សម្រាប់ពាក់ធ្វើជាសញ្ញាមុនពេលបត់ឆ្វេងបត់ស្កាំ។
សុមចុចអាន៖ Nikon1 AW1 ល្បីខ្លាំងមិនធម្មតាទាំងក្នុងទឹកនិងលើគោកមានលក់លើទីផ្សារកម្ពុជា
ស្រោមដៃប្រភេទថ្មីនេះ ផលិតឡើងជាពីរម៉ូដែល ដែលម៉ូដែលទី១លក់ក្នុងតម្លៃ៥៩ដុល្លារក្នុងមួយគូរ ដើរដោយថាមពលថ្មប្រើប្រាស់បានក្នុងរយៈពេលពី៣ទៅ៦ខែ។ ក៏ប៉ុន្តែម៉ូដែលនេះ មិនអាចសាកថ្មឡើងវិញបានឡើយ។ រីឯម៉ូដែលទី២លក់ក្នុងតម្លៃ ៩៩ដុល្លារប្រើប្រាស់ថាមពលថ្មដូចគ្នា តែអាចសាកថ្មបាន និងអាចប្រើប្រាស់បានចាប់ពី៥ទៅ១១ថ្ងៃ។
តាមការឲ្យដឹងពីក្រុមហ៊ុនខាងលើ ស្រោមដៃនេះនឹងដាក់លក់លើទីផ្សារនៅក្នុងខែឧសភាឆ្នាំ២០១៤ខាងមុខ៕
0 comments:
Post a Comment