ហេតុផល ១០យ៉ាងដែលស្ត្រីគួរតែទទួលបានចំណុចកំពូលច្រើនដង
ដោយសារតែអ្នកមានការរវល់, ស្ត្រេស ឬរាងកាយធាត់នោះ ខ្ញុំហ៊ានភ្នាល់ថាអ្នកនឹងអាចទទួលបានអត្ថប្រយោជន៍យ៉ាងច្រើនពីការដែលអ្នកអាចទទួលបានចំណុចកំពូលក្នុងពេលរួមភេទច្រើនដង។ ដើម្បីកុំអោយមានភាពមន្ទិលសង្ស័យចំពោះរឿងនេះខ្ញុំនឹងបង្ហាញនូវហេតុផលចំនួន ១០យ៉ាងដែលអ្នកគួរតែទទួលបានចំណុចកំពូលក្នុងពេលរួមភេទអោយបានច្រើនក្នុងឆាកជីវិត។
- វាពិតជាអាចជួយព្យាបាលអាការៈឈឺក្បាលបាន។ ការសិក្សាមួយបានរកឃើញថា ការរួមភេទជួយកាត់បន្ថយការឈឺចាប់បែបប្រកាំង។ ដូច្នេះវាមានប្រសិទ្ធភាពប្រហែលនឹងថ្នាំបំបាត់ការឈឺចាប់ Advil ដែរ។
- វាអាចបំបាត់ការឈឺចាប់ផ្សេងៗទៀតបាន។ ការឈានដល់ចំណុចកំពូលនឹងបញ្ចេញសារធាតុគីមីដែលធ្វើអោយអារម្មណ៍ល្អមួយប្រភេទឈ្មោះថា អុកស៊ីតុស៊ីន និង Endorphin។ សារធាតុ Endorphin នេះអាចជួយសម្រួលដល់ការឈឺចាប់បានជាពិសេសការឈឺចាប់ពេលមករដូវជាដើម។
- ដោយសារតែអ្នកមិនត្រូវការដៃគូ អ្នកអាចធ្វើរឿងនេះបានយ៉ាងល្អដោយខ្លួនឯងជាមួយនឹងរបៀបសម្រេចកាមដោយខ្លួនឯងបាន។
- គេចាត់ទុកវាជាថ្នាំវីតាមីនចម្រុះ ព្រោះការសិក្សាមួយនៅឯសាកលវិទ្យាល័យ Wilkes បានរកឃើញថា ការរួមភេទម្តង ឬពីរដងក្នុងមួយសប្តាហ៍ជួយបង្កើនមុខងារប្រព័ន្ធភាពស៊ាំរបស់មនុស្ស។ ដូច្នេះវាពិតជាល្អសម្រាប់អាការៈផ្តាសាយដោយសារចាញ់អាកាសធាតុហើយ។
- វាអាចនឹងធ្វើអោយអ្នកទទួលបានដៃគូរួមខ្នើយដ៏ល្អម្នាក់បាន។ អ្នកស្រាវជ្រាវបានបង្ហាញអោយដឹងថា ស្ត្រីដែលទទួលបានចំណុចកំពូលមួយហើយច្រើនតែមានគំនិតវិជ្ជមាន និងអារម្មណ៍ល្អចំពោះដៃគូររបស់ខ្លួនជាងស្ត្រីដែលមិនទទួលបានចំណុចកំពូលសោះ។
- ដោយសារតែអ្នកភ្ញាក់ពីដេកមុននាឡិការោទិ៍ ដូច្នេះអ្នកក៏អាចអនុវត្តនូវជ័យជំនះដ៏តូចមួយជាមួយនឹងការរួមភេទពេលព្រឹកបានដែរ។ អ្នកឯកទេសនិយាយថា ការប្រតិបត្តិការរួមភេទនៅពេលព្រឹកបែបនេះអាចធ្វើអោយអារម្មណ៍ស្រស់ស្រាយ និងប្រព័ន្ធភាពស៊ាំមានសុខភាពល្អរាល់ថ្ងៃបាន។
- អ្នកនឹងអស់កង្វល់លើបញ្ហាមករដូវទៀត។ អ្នកស្រាវជ្រាវនៅឯសាកលវិទ្យាល័យ Columbia និង Stanford បានរកឃើញថា ស្ត្រីដែលរួមភេទយ៉ាងហោចណាស់ ម្តងក្នុងមួយសប្តាហ៍ទំនងជាមករដូវទៀងទាត់ជាងមុន។
- ដោយសារតែអ្នកស្ថិតក្នុងពាក់កណ្តាលនៃវដ្តរដូវ យើងដឹងថាវាស្តាប់មើលទៅដូចជាចម្លែកណាស់ ប៉ុន្តែចូរចាំថា ការសិក្សាមួយបានរកឃើញថា នៅជុំវិញវដ្តរដូវរយៈពេល ១៤ថ្ងៃ សេរ (Clitoris) របស់អ្នកមានការលូតលាស់ធំជាងមុនរហូតដល់ ២០ភាគរយ ព្រមទាំងងាយនឹងមានការហូរឈាមចូលទៅក្នុងនោះច្រើនណាស់ ដែលវាជាហេតុធ្វើអោយអ្នកមានឱកាសកាន់តែច្រើនក្នុងការទទួលបានភាពស្រើបស្រាល និងឈានដល់ចំណុចកំពូលក្នុងពេលរួមភេទ។ វាពិតជារឿងមួយគួរអោយស្តាយណាដែលអ្នកបណ្តោយអោយរឿងល្អៗបែបនេះរំលងផុតដោយមិនដឹងបែបនេះ។
- អ្នកនឹងមើលខ្លួនឯងឃើញថាកាន់តែក្មេងជាងមុនទៅទៀត។ ការសិក្សាមួយបានរកឃើញថា អ្នកដែលប្រាប់ថាកំពុងតែរួមភេទរហូតដល់ ៤ដងក្នុងមួយសប្តាហ៍ទំនងជាមើលទៅពួកគេក្មេងជាងមុន១០ឆ្នាំអញ្ចឹង។
- ដោយសារតែអ្នកអាចធ្វើបាន ចូរបញ្ឈប់ការទទួលបានចំណុចកំពូលដែលក្លែងក្លាយ និងព្យាយាមធ្វើវាអោយបានតាមរយៈក្បាច់រួមភេទផ្សេងវិញ៕
ប្រភពពី៖ www.health.com.kh
0 comments:
Post a Comment