ក្រុម U23 កម្ពុជាបានប្រកួតឈ្នះក្រុមម្ចាស់ផ្ទះ U23 សិង្ហបុរី ក្នុងលទ្ធផល ១ – ០ នៅល្ងាចថ្ងៃទី ២២ វិច្ឆិកា ក្នុងជំនួបមិត្តភាពអន្តរជាតិកម្ដៅសាច់ដុំ ត្រៀមស៊ីហ្គេម ២០១៣ ហើយ កម្ពុជាបន្តជួបឈុតធំរបស់ សិង្ហបុរី នៅថ្ងៃទី ២៤ វិច្ឆិកា ខាងមុខ។
១ គ្រាប់របស់កម្ពុជាគឺរកបានដោយកីឡាករ ចាន់ វឌ្ឍនាកា នៅនាទី ៧៣ ក្រោយការបញ្ជូនបាល់យ៉ាងល្អពីកីឡាករ សុខ ផេង។
ចប់ការប្រកួតភ្លាម លោក មាស ចាន់ណា ជំនួយការគ្រូបង្វឹកក្រុមកម្ពុជាបានប្រាប់យើងខ្ញុំមកពីសិង្ហបុរី ថា ក្រុមលោកថ្ងៃនេះសហការគ្នាបានល្អ ថែមទាំងមានឱកាសច្រើននៅផ្នែកប្រយុទ្ធ ប៉ុន្ដែធ្វើបានសម្រេចតែមួយគ្រាប់។
យោងតាមគេហទំព័រ FIFA ឈុតធំសឹង្ហបុរី និងបើកទ្វារពហុកីឡដ្ឋាន Jalan Besar Stadium របស់ខ្លួនទទួលភ្ញៀវកម្ពុជានៅវេលាម៉ោង ៦ : ៣០ នាទីល្ងាច ក្នុងជំនួបជាលក្ខណៈអន្តរជាតិលើកទី២ មុនដំណើរឆ្ពោះទៅកាន់ព្រឹត្តិការណ៍ ស៊ីហ្គេមនៅ មីយ៉ាន់ម៉ា។
តើ លទ្ធផលទៅជាយ៉ាងណានាថ្ងៃទី ២៤ វិច្ឆិកា?
អត្ថបទ៖ ម៉ឺន រស្មី
0 comments:
Post a Comment