ស៊ីហ្ស៊ីនហើយចង់ដោះដៃ ខាងស្រីជិះឡានដេញបុក(វីដេអូ)
ស្ត្រីនូវែលហ្សេឡង់វ័យ៤៤ឆ្នាំម្នាក់បានកើតអារម្មណ៍ក្ដៅក្រហាយមិនសប្បាយចិត្ត រួចបានបើកឡានដេញបុកមិត្តប្រុសខ្លួនក្រោយដឹងថា បុរសរូបនេះចង់ដោះដៃមានថ្មី។
ករណីនេះបានកើតឡើងនៅក្បែរហាងមួយក្នុងតំបន់ Hamilton Waikato។ តាមរយៈវីដេអូបង្ហាញថា បុរសជាមិត្តប្រុសត្រូវឡានបុកជាប់ទើលើឡាន និងបានធ្លាក់ពីលើឡានវិញ។ បន្ទាប់មកទៀតស្ត្រីសង្សារ ក៏បានថយឡាន និងបើកបុកជាច្រើនដង ប៉ុន្តែត្រូវប្រជាជននៅទីនោះជួយអន្តរាគមន៍។
ក្មេងប្រុសអាយុ១៥ឆ្នាំ Kanj Patel បានឮគូសង្សារទាំងពីរនេះឈ្លោះគ្នាក្រៅហាង ដោយជនរងគ្រោះនិយាយថាចង់បែកគ្នាជាមួយស្ត្រីជាសង្សារ។ ក្រោយមកស្រាប់តែមានគ្រោះថ្នាក់នេះ កើតឡើងតែម្ដង។ “ខ្ញុំស្មានតែជារឿងគ្រោះថ្នាក់ចរាចរណ៍ បន្តិចមកទើបដឹងថាមិនមែន។ ខ្ញុំរន្ធត់និងញ័រខ្លួនមែនទែន ប៉ុន្តែខ្ញុំត្រូវធ្វើអ្វីម្យ៉ាងដើម្បីជួយគាត់”។
សាក្សីផ្សេងទៀតបានបន្ថែមថា ស្រ្តីវ័យ៤៤ឆ្នាំ បន្ទាប់មកក៏បើកឡានចូលទន្លេ Waikato។ រួចគាត់បានហែលចេញពីក្នុងឡាន។ យ៉ាងណាមិញប៉ូលិសក៏បានទៅដល់កនន្លែងកើតហេតុ និងស្រង់នាងចេញពីទឹក។ ទីបញ្ជប់តួប្រុសនៅមន្ទីរពេទ្យ ខណៈតួស្រីនៅមិនទាន់ដឹងថា តុលាការនឹងធ្វើយ៉ាងម៉េចនៅឡើយទេ៕
ដោយ nob70
ប្រភព៖ sky
0 comments:
Post a Comment