ហេតុអ្វីត្រូវលាងឈាម ?
Breaking News
Loading...
Friday, November 22, 2013
.jpg)
ការលាងឈាម( Dialysis )គឺជាដំណើរការមេកានិចមួយដែលវាធ្វើការដូចដែលតម្រងនោម មានសុខភាពល្អមួយបានធ្វើ ។ ការលាងឈាម( Hemodialysis )គឺជាការប្រើភ្នាសច្រោះ( dialyzer ) ដើម្បីចម្រោះកាកសំណល់ សារធាតុរាវពីក្នុងឈាមដើម្បីស្ដារតុល្យភាពសមរម្យមួយ នៃសារធាតុគីមីនៅក្នុងឈាម និងបំបាត់ការលើសសារធាតុរាវ( ហើម )ពីរាងកាយ។មុនពេល ធ្វើការព្យាបាលដោយការលាងឈាម (hemodialysis) អាចចាប់ផ្តើមទៅបានវេជ្ជបណ្ឌិតនឹង បង្កើតជាកន្លែងដែលធ្វើអោយឈាមអាចហូរទាំងនៅក្នុង និងក្រៅនៃរាងកាយបានជាមុនសិន។ នេះជាធម្មតាត្រូវបានធ្វើដោយការតសរសៃឈាមក្រហម និងសរសៃខ្មៅនៅនឹងកដៃឬដោយ ប្រើបំពង់តូចមួយដើម្បីតភ្ជាប់សរសៃឈាមទាំងពីរនេះ។
ការលាងឈាម( Hemodialysis ) ជាធម្មតាត្រូវបានធ្វើនៅក្នុងមន្ទីរពេទ្យ ឬមជ្ឈមណ្ឌលលាង ឈាមមួយ។ វាជាធម្មតាត្រូវបានធ្វើរយៈពេល៣ថ្ងៃក្នុងមួយសប្តាហ៍ ហើយ៣ទៅ៥ ម៉ោងក្នុង ម្តងៗ។ នៅក្នុងករណីមួយចំនួន( hemodialysis )ក៏អាចធ្វើនៅផ្ទះរបស់អ្នកជំងឺបានផងដែរ។ ការលាងឈាមនៅផ្ទះអាចធ្វើបានច្រើនថ្ងៃក្នុងមួយសប្តាហ៍ដែរ។ ប្រភេទមួយចំនួនទៀតនៃ ការលាងឈាមនៅផ្ទះត្រូវបានគេធ្វើក្នុងអំឡុងពេលយប់ ។
ការលាងឈាមគឺជាញឹកញាប់ត្រូវបានចាប់ផ្តើមឡើងបន្ទាប់ពីមានរោគសញ្ញា ឬផលវិបាកនៃ ជំងឺខ្សោយតម្រងនោម ។ រោគសញ្ញា ឬផលវិបាកដែលអាចរួមមាន:
- សញ្ញាដែលបញ្ជាក់ថាអាស៊ីតអ៊ុយរិចកើនឡើងក្នុងឈាមដែលមានរោគសញ្ញាដូចជា ចង្អោរ ក្អួត បាត់បង់ចំណង់អាហារ និងអស់កម្លាំង
- កម្រិតប៉ូតាស្យូមកើនឡើងខ្ពស់នៅក្នុងឈាម ( hyperkalemia )
- រោគសញ្ញានៃអសមត្ថភាពរបស់តម្រងនោមដើម្បីបញ្ចេញចោលនូវសារធាតុរាវដែលលើសប្រចាំថ្ងៃដូចជា ការហើមជាដើម
- ឈាមស្ថិតក្នុងមជ្ឈដ្ឋានអាស៊ីត ( acidosis )
- ការរលាកស្រោមនៅបេះដូង ( pericarditis )
ការលាងឈាមត្រូវបានប្រើប្រាស់នៅពេលដែលខ្សោយតម្រងនោមស្រួចស្រាវ ។ការលាង ឈាមតែងតែត្រូវបានគេធ្វើដោយប្រុងប្រយ័ត្នបន្ថែមទៀត នៅលើមនុស្សដែលមានការ ខូចតម្រង់នោមស្រួចស្រាវព្រោះពេលខ្លះវាអាចបង្កឱ្យមានការធ្លាក់ចុះនៃសម្ពាធឈាមទាប ពេក ចង្វាក់បេះដូងមិនទៀងទាត់ ( arrhythmias ) និងបញ្ហាផ្សេងទៀតដែលអាចធ្វើឱ្យការ ខូចតម្រងនោមនោះកាន់តែអាក្រក់៕
Subscribe to:
Post Comments (Atom)
0 comments:
Post a Comment