Samsung ស៊ី Super Apple ទៀតហើយ អស់ជិត៣០០លានដុល្លារ
ដូចដែលមិត្តអ្នកអានធ្លាប់ដឹងរួចមកហើយថា Samsung ចាញ់ក្ដី Apple លើសិទ្ធប៉ាតង់ម្ដងរួចមកហើយ ហើយពេលនោះ Apple បានឱ្យ Samsung បង់មួយពាន់លាន តែក្រោយមក Samsung បានវែកញែកជាមួយតុលាររហូតធ្លាក់មកនៅសល់ត្រឹមតែ ៥៩៩ លានដុល្លារ។
ខាងលើនេះជារឿងក្ដីលើកមុន ហើយលើកនេះ Samsung ត្រូវរបួសដោយសារ Apple ទៀតហើយពីបទរំលោភលើកម្មសិទ្ធបញ្ញា ដែលក្រុមហ៊ុន Samsung បានធ្វើកន្លងមកចំពោះក្រុមហ៊ុន Apple។ ឥឡូវនេះ Samsung ត្រូវបង់លុយឱ្យ Apple ចំនួន ២៩០ លានដុល្លារ បន្ថែមទៀត សរុបទាំងដើម និងឥឡូវនេះគឺ ៨៩០ លានដុល្លារអាមេរិក។
ក្នុងករណីខាងលើនេះ Apple បានស្នើឱ្យ Samsung បង់ទឹកប្រាក់ ៣៨០ លាន ប៉ុន្តែតុលាការកាត់ក្ដីមកសល់ត្រឹមតែ ២៩០ លានក្នុងករណីលើកក្រោយនេះ។ ជុំវិញបញ្ហាជម្លោះក្នុងករណីរំលោភលើកម្មសិទ្ធិបញ្ញានេះ ដៃគូប្រជែងទាំងពីរ បានចេញសេចក្ដីថ្លែងការណ៍ដួចខាងក្រោមនេះ៖
Apple “សម្រាប់ក្រុមហ៊ុន Apple ករណីនេះគឺវាមានតម្លៃលើសពីកម្មសិទ្ធិបញ្ញា និងលុយទៅទៀត។ អ្វីៗទាំងនោះជាតម្លៃមិនអាចកាត់ថ្លៃបានមួយ ដែលបានមកពីការខិតខំប្រឹងប្រែងបង្កើតផលិតផលមួយមានមនុស្សស្រលាញ់ចូលចិត្ត។ យើងរីករាយនឹងបង្ហាញពីស្នាមរបួសដ៏ដំណំរបស់ Samsung ដែលបានលួចចម្លងហើយត្រូវបង់ថ្លៃលើកម្មសិទ្ធិបញ្ញាមួយនេះ”។
Samsung “យើងពិតជាអន់ចិត្តមែនទែនចំពោះការកាត់ក្ដីរបស់តុលាការថ្ងៃនេះ ដែលបានកាត់ក្ដីយោងតាមផ្នែកដ៏ធំមួយនៃប៉ាតង់របស់សហរដ្ឋអាមេរិក និងការិយាល័យរបស់ Trademark ដោយមិនត្រឹមត្រូវតាមច្បាប់។ ខណៈដែលយើងកំពុងតែរីកចម្រើនទៅមុខ យើងនឹងខិតខំបង្កើតផលិតផលល្អៗបន្តទៀត ដើម្បីផ្គាប់ចិត្តអ្នកប្រើប្រាស់របស់យើងនៅជុំវិញសាកលលោក”៕
ប្រភពពី៖ www.nob70.com
0 comments:
Post a Comment