មន្ត្រីប៉ូលិសរដ្ឋ Connecticut សហរដ្ឋអាមេរិកមានការភ្ញាក់ផ្អើលយ៉ាងខ្លាំង បន្ទាប់ពីបានរកឃើញ កញ្ចក់រថយន្តប៉ូលិសមួយគ្រឿងត្រូវស្រមោលខ្មោចវាយកម្ទេច។
សូមចុចអាន៖ បើខ្មោចជិះម៉ូតូដេញលងមនុស្សតាមផ្លូវចឹងលស់ព្រលឹងស្លាប់មិនខានទេ
មន្ត្រីប៉ូលិស Hartford លោកអនុសេនីយ៍ទោ Brian Foley បាននិយាយទៅកាន់សារព័ត៌មាន NBC ថា នៅពេលថ្មីៗកន្លងទៅនេះ មានកញ្ចក់រថយន្តប៉ូលិសមួយគ្រឿងបានបែកធ្លាក់មកដី ដោយសង្ស័យថា មានជនខិលខូចណាម្នាក់ជាអ្នកបង្កឡើង។ ក៏ប៉ុន្តែបន្ទាប់ពីភ្នាក់ងារប៉ូលិសរបស់លោក បានពិនិត្យលើកាមេរ៉ាសុវត្ថិភាពដែលបំពាក់ចោលនៅបរិវេណចំណតរថយន្តខាងលើ ស្រាប់តែកាមេរ៉ានេះ ចាប់បានស្រមោលម្យ៉ាង ដែលលោកសង្ស័យថា ជាស្រមោលខ្មោចវាយកម្ទេចកញ្ចក់រថយន្តប៉ូលិសដែលចតចោលនោះ។
កញ្ចក់រថយន្តបាន ធ្លាក់ខ្ទាតឆ្ងាយចេញពីរថយន្ត បន្ទាប់ពីស្រមោលអាថ៌កំបាំងនោះហោះកាត់ ធ្វើឲ្យរូបលោកនិងបុគ្គលិកផ្សេងទៀតស្រឡាំងកាំង ខណៈដែលកន្លងមកទីស្នាក់ការប៉ូលិសនេះត្រូវបានគេរាយការណ៍ថា ធ្លាប់មានខ្មោចលងស្រស់ៗនោះ។
សូមចុចអាន៖ ខ្មោចបរទេសនិងខ្មែរមួយណាសាហាវនិងរន្ធត់ជាង?
ក៏ប៉ុន្តែអ្នកឯកទេសផ្នែកឧតុនិយម បានបកស្រាយតាមបែបវិទ្យាសាស្ត្រថា ករណីខាងលើនេះកើតឡើងដោយសារតែបាតុភូតខ្យល់កួចប៉ុណ្ណោះ។ វាមិនមែនជាស្រមោលខ្មោចនោះឡើយ។ លោកបានពន្យល់ថា ខ្យល់កួចដែលកើតឡើងពីខ្យល់ស្ងួត និងអាកាសធាតុក្ដៅបានបក់កម្ទេចមួយឡើងមកលើប៉ះនឹងកញ្ចក់រថយន្ត ធ្វើឲ្យបែកធ្លាក់មកដី។
ទោះបីជាបែបនេះក្តី មន្ត្រីប៉ូលិសនៅតែមានមន្ទិលសង្ស័យដោយចាត់ទុកថា វាហាក់នៅតែជាស្រមោលខ្មោចដដែល ត្បិតអីរថយន្តផ្សេងទៀតដែលចតក្បែរនោះមិនទទួលរងខូចខាត ធ្វើឲ្យវាស្ថិតនៅតែជាអាថ៌កំបាំងដដែល៕
សូមទស្សនាវីដេអូខាងក្រោមនេះ៖
ប្រែសម្រួល៖ Narin
ប្រភព និងរូបភាព៖ yahoo
0 comments:
Post a Comment