នៅព្រឹកថ្ងៃសៅរ៍នេះ មហាព្យុះសង្ឃរា Haiyan ដ៏សាហាវបំផុតមិនធ្លាប់មានដែលបោកបក់មកដល់ហ្វីលីពីនកាលពីថ្ងៃសុក្រម្សិលមិញនោះ បានថមថយកម្លាំងក្លាយជាព្យុះធម្មតាវិញហើយ តែបានបន្សល់សោកនាដកម្មដល់ប្រជាពលរដ្ឋហ្វីលីពីន។
យោងតាមសេចក្ដីរាយការណ៍ខាងអាជ្ញាធរហ្វីលីពីនបានឲ្យដឹងថា មនុស្សរាប់លាននាក់ត្រូវបង្ខំចិត្តភៀសខ្លួនចេញពីលំនៅឋាននៅទូទាំងខេត្តចំនួន ២០ ដែលប្រឈមនឹងបញ្ហាស្បៀងអាហារ គ្មានអគ្គិសនីប្រើប្រាស់ និងជំងឺឆ្លងផ្សេងៗ។ សាលារៀន ការិយាល័យការងារ ជើងហោះហើរក្នុងស្រុក និងនាវាធ្វើដំណើរ ត្រូវផ្អាកឬបិទចោលទាំងអស់។
ព្យុះ Haiyan ដែលមានល្បឿនដល់ទៅ៣២០គីឡូម៉ែត្រនេះ រហូតមកដល់ពេលនេះបានសម្លាប់មនុស្ស ៣ នាក់ និង៧ នាក់ទៀតរបួស ខណៈដែលមន្ត្រីទទួលខុសត្រូវព្រួយបារម្ភថាចំនួនអ្នកស្លាប់និងរបួស នឹងកើនឡើងទៀត ៕
សូមមើលវីដេអូខាងក្រោម៖
ប្រែសម្រួល៖ សុផាត
ប្រភព និងរូបភាព៖ CNN, BBC, Reuters, AFP, NY
0 comments:
Post a Comment