យប់មិញនេះនៅទីក្រុងមូស្គូ ប្រទេសរុស្ស៊ី បវរកញ្ញាតំណាងប្រទេសវេណេហ្ស៊ុយអេឡាបានដណ្ដើមជយលាភីជាបវរកញ្ញាចក្កវាឡឆ្នាំ២០១៣ ដោយបានយកឈ្នះលើបវរកញ្ញា ៨៥ រូបផ្សេងទៀតមកពី ៨៥ ប្រទេសជុំវិញពិភពលោក។
Gabriela Isler វ័យ២៥ឆ្នាំ បានគ្រោងមកុដពេជ្រ Diamond Nexus បន្តពីនាង Olivia Culpo បវរកញ្ញាចក្កវាឡមកពីសហរដ្ឋអាមេរិក។
បវរកញ្ញាវេណេហ្ស៊ុយអេឡា (ឆ្វេង) អបអរដោយបវរកញ្ញាអេស្ប៉ាញដែលជាប់លេខ២
អ្វីដែលគួរឲ្យភ្ញាក់ផ្អើលសម្រាប់ឆ្នាំនេះ គឺបវរកញ្ញាតំណាងប្រទេសហ្វីលីពីនជាប់ចំណាត់ថ្នាក់លេខ៤ បន្ទាប់ពីបវរកញ្ញាតំណាងប្រទេសអេស្ប៉ាញ Patricia Yurena Rodrigues ជាប់លេខ២ និងប្រទេសអេក្វាឌ័រ Constanza Baez ជាប់លេខ៣ និងឈរលើប្រទេសប្រេស៊ីលដែលជាប់លេខ៥។
បវរកញ្ញាហ្វីលីពីនដែលជាប់លេខ៤
បវរកញ្ញាអេស្ប៉ាញដែលជាប់លេខ២
បវរកញ្ញាតំណាងអេក្វាឌ័រដែលជាប់លេខ៣ (រូបភាពពេលនាងទទួលជយលាភីក្នុងប្រទេស)
បវរកញ្ញាប្រេស៊ីលដែលជាប់លេខ៥
វគ្គជម្រុះ១០រូបចុងក្រោយ មាន៖ អេស្ប៉ាញ, ហ្វីលីពីន, ចក្រភពអង់គ្លេស, ឥណ្ឌា, ប្រេស៊ីល, អាមេរិក, អ៊ុយក្រែន, អេក្វាឌ័រ, វេណេហ្ស៊ុយអេឡា និងសាធារណរដ្ឋដូមីនីកា ។
វគ្គជម្រុះ១៦រូបចុងក្រោយមាន៖ កូស្ដារីកា, អ៊ុយក្រែន, ចិន, អេក្វាឌ័រ, ចក្រភពអង់គ្លេស, ឥណ្ឌូណេស៊ី, វេណេហ្ស៊ុយអេឡា, សាធារណរដ្ឋដូមីនីកា, ព័រទោ រីកូ, អេស្ប៉ាញ, អាមេរិក, នីការ៉ាហ្គា, ស្វីស, ឥណ្ឌា, ប្រេស៊ីល និងហ្វីលីពីន។
បញ្ជាក់ថា ប្រទេសអាស៊ាន៧ប្រទេស លើកលែងកម្ពុជា ឡាវ និងប្រ៊ុយណេ ក៏បានបញ្ជូនបវរកញ្ញាតំណាងប្រទេសឲ្យទៅចូលរួមប្រកួត ក្នុងនោះគឺភូមាក៏បានបញ្ជូនបវរកញ្ញាខ្លួនដំបូងបង្អស់ឲ្យចូលរួមព្រឹត្តិការណ៍អន្តរជាតិមួយនេះដែរ។ ព្រឹត្តិការណ៍ប្រកួតប្រជែងបវរកញ្ញាចក្កវាឡ២០១៣នេះ គឺជាព្រឹត្តិការណ៍ប្រចាំឆ្នាំលើកទី៦២ ហើយ ៕
ចុចអាន៖ ប្រទេសអាស៊ានណាខ្លះបញ្ជូនបវរកញ្ញាទៅចូលរួមប្រកួតបវរកញ្ញាចក្រវាលខ្លះ?
បវរកញ្ញាចក្កវាឡមកពីវេណេហ្ស៊ុយអេឡា
ប្រែសម្រួល៖ សុផាត
ប្រភព៖ Mirror.co.uk
0 comments:
Post a Comment