ស្ត្រីជនជាតិបរទេសម្នាក់បានបង្ហាញសកម្មភាពមនុស្សធម៌ដ៏គួរឲ្យកោតសរសើរបំផុត ពោលគឺហ៊ានលះបង់សេចក្តីសុខផ្ទាល់ខ្លួនសុខចិត្តដើរអត់ពាក់ស្បែកជើងពេញមួយឆ្នាំដើម្បីរកលុយជួយកុមារក្រីក្រកម្ពុជាជិត១៨០០នាក់។ ការសម្រេចចិត្តនេះបានធ្វើឡើង បន្ទាប់ពីនាងបានមើលឃើញទិដ្ឋភាពកុមារក្រីក្រកម្ពុជាទាំងនេះក្នុងដំណើរកម្សាន្តមួយទៅរាជធានីភ្នំពេញកាលពី៣ឆ្នាំមុន (២០១០)។
នាងKatie Boom
សូមចុចអាន៖ សិស្សស្រីថ្នាក់ទី១០ជនជាតិអារ៉ាប់រួមពីររូបអង្គាសប្រាក់ជួយកុមារកម្ពុជា
នាងKatie Boom ជនជាតិនូវែលហ្សេឡង់បានលាតត្រដាងពីខ្សែជីវិតពិតរបស់កុមារក្រីក្រកម្ពុជាដែលកំពុងរស់នៅយ៉ាងលំបាកវេទនាបំផុតនៅតាមដងវិថី ជាពិសេសនៅតាមតំបន់ក្រីក្រនានានៅជាយរាជធានីភ្នំពេញដោយក្ដីស្រលាញ់អាណិតអាសូរ និងចង់ជួយចែករំលែកទុក្ខលំបាករបស់ពួកគេទាំងនេះ។
ចំណុចមួយដែលធ្វើឲ្យស្ត្រីម្នាក់នេះស្រក់ទឹកភ្នែក ហើយបង្កើតការសម្រេចចិត្តនេះ គឺកើតចេញពីបទពិសោធន៍ផ្ទាល់ខ្លួនរបស់នាងដែលមានធ្វើដំណើរទៅទស្សនាតំបន់ក្រីក្រមួយ។ ដោយមិនបញ្ជាក់ពីទីតាំង ស្ត្រីម្នាក់នេះបានមើលឃើញកុមារជាច្រើនស្ថិតនៅតំបន់ទាំងនោះមិនមានទ្រនាប់ជើងពាក់នោះឡើយ ហើយពួកគេត្រូវដើរដោយជើងទទេកាត់លើគំនរសំរាម អំបែងដប និងសម្ភារៈមុតស្រួចផ្សេងៗទៀតគួរឲ្យអាណិតអាសូរបំផុត។
សូមចុចអាន៖ ក្មេងស្រីអាមេរិកបួនរូបរៃអង្គាសមនុស្សធម៌ជួយកម្ពុជា
ទន្ទឹមនឹងនេះ ភាពមិនច្បាស់លាស់លើអនាគតរបស់ពួកគេតាមរយៈការមិនទទួលបានឱកាសក្នុងការសិក្សារៀនសូត្រ កង្វះខាតលើសម្ភារៈសិក្សា គឺរឹតកាន់តែធ្វើឲ្យនាងមានអារម្មណ៍ក្ដុកក្ដួលបន្ថែមទៀត។ នាងយល់ថា សម្រាប់ពួកគេម្នាក់ៗ ប្រាក់ត្រឹម២០ដុល្លារគឺអាចផ្ដល់លទ្ធភាពឲ្យពួកគេចូលរៀនបាន។
ចំណុចនេះបានធ្វើឲ្យមានសំនួរមួយចោទសួរថា តើនាងគួរតែនៅបន្តចំណាយប្រាក់ខ្ជះខ្ជាយលើស្បែកជើងថ្លៃៗ ឬ យ៉ាងណា ខណៈដែលកុមារទាំងនេះកំពុងលង់ទឹកដល់ច្រមុះនោះ?
ដោយសារសណ្ដានចិត្តអាណិតអាសូរពោរពេញដោយក្តីស្រលាញ់ដក់ជាប់នៅក្នុងបេះដូងរបស់នាង ទិដ្ឋភាពទាំងនេះបានជំរុញឲ្យនាងលះបង់សេចក្ដីសុខរបស់ខ្លួន ធ្វើយុទ្ធនាការដើរអត់ស្បែកជើងលើទឹកដីកំណើត ដើម្បីទាក់ទាញចំណាប់អារម្មណ៍ពីសាធារណជនបរិច្ចាគទឹកប្រាក់របស់ពួកគេជួយដល់កុមារក្រីក្រទាំងនោះ។
សូមចុចអាន៖ ថវិកាបន្តិចបន្តួចរបស់អ្នកអាចផ្លាស់ប្ដូរជីវិតក្មេងអនាថាកម្ពុជា
មកទល់នឹងពេលនេះ នាងបានបង្កើតសកម្មភាពមនុស្សធម៌មួយដើម្បីរៃអង្គាសប្រាក់ក្រោមចំណងជើងថា “អត់ពាក់ស្បែកជើង ឬShoeless” ហើយកំពុងសហការជាមួយអង្គការCare កម្ពុជា (Care of Cambodia) ដើម្បីផ្ដល់សម្ភារៈសិក្សាដល់កុមារក្រីក្រទាំង១៨០០នាក់ខាងលើ។
កម្មវិធី “អត់ពាក់ស្បែកជើង” នឹងប្រារព្ធធ្វើឡើងជាលើកដំបូងក្នុងប្រទេសនូវែលហ្សេឡង់នាថ្ងៃទី១១ ខែមេសា ឆ្នាំ២០១៤ខាងមុខ ដើម្បីស្វែងរកជំនួយជួយដល់កុមារក្រីក្រកម្ពុជា។ តាមការអះអាងរបស់នាងកម្មវិធីនេះនឹងជំរុញឲ្យសាធារណជនទូទៅឈប់ចំណាយប្រាក់កាសឥតប្រយោជន៍លើសម្ភារ ផ្សេងៗ ហើយងាកមកជួយកុមារក្រីក្រទាំងនេះវិញ៕
សូមទស្សនាវីដេអូខាងក្រោមនេះ៖
ចុះប្រិយមិត្តវិញយល់យ៉ាងណាដែលចំពោះសកម្មភាពរបស់នាង?
0 comments:
Post a Comment