អ្នកមើលប្រដាល់ជាច្រើនប្រាកដជានៅចាំបានពីព្រឹត្តិការណ៍ប្រកួតរវាងអតីតស្ដេចប្រដាល់ទម្ងន់ធ្ងន់ទាំងពីរ គឺ Mike Tyson និង Evander Holyfield កាលពីឆ្នាំ១៩៩៧។ អ្វីដែលមិនធ្វើឲ្យគេភ្លេចបាន គឺដោយសារ Tyson បានខាំដាច់ត្រចៀករបស់ Holyfield អំឡុងការប្រកួតនោះ។
រូបភាព Tyson ឱប Holyfield ក្នុងវីដេអូ
នៅពេលនេះ អតីតស្ដេចប្រដាល់ញាំញីដោយរឿងអាស្រូវរូបនេះ បានប្រគល់បំណែកស្លឹកត្រចៀកនោះទៅឲ្យដៃគូរបស់ខ្លួនវិញហើយ។ យ៉ាងណាក្ដី ការប្រគល់នោះគឺគ្រាន់តែជាឈុតឆាកមួយក្នុងឈុតផ្សាយពាណិជ្ជកម្មរបស់ហាងលក់សម្ភារៈកីឡា The Foot Locker ប៉ុណ្ណោះ។ នៅក្នុងវីដេអូខាងក្រោម ប្រិយមិត្តនឹងបានឃើញ Tyson ចុចកណ្ដឹងទ្វារផ្ទះរបស់ Holyfield រួចនិយាយពាក្យសូមទោស ហើយប្រគល់ប្រអប់តូចមួយដែលដាក់ស្លៀកត្រចៀក។
ក្រៅពីមានវត្តមានអតីតអ្នកប្រដាល់ទាំងពីរ ក៏គេឃើញមានវត្តមានអតីតកីឡាករបាល់បោះ Dennis Rodman នោះដែរ។ ចង់ដឹងលម្អិត សូមចុចមើលវីដេអូខាងក្រោមនេះ៖
ចុចទីនេះដើម្បីមើលវីដេអូនៃការប្រកួតរវាងអ្នកទាំងពីរកាលពីឆ្នាំ១៩៩៧
អត្ថបទទាក់ទង៖ Mike Tyson និង Holyfield ជួបគ្នាជាថ្មី
0 comments:
Post a Comment