ខេត្តកែប ទីតាំងធ្វើបុណ្យសមុទ្រគ្រប់ផ្ទះសំណាក់និងសណ្ឋាគារចាប់ផ្ដើមពេញអស់

បុណ្យសមុទ្រជាព្រឹត្តិការណ៍ដ៏ធំបង្អស់នៅបំណាច់ឆ្នាំនេះ ពោលនឹងប្រារព្ធឡើង៣ថ្ងៃជាប់គ្នាចាប់ពីថ្ងៃទី៦ដល់៨ធ្នូ នៅខេត្តកែប ដែលនឹងរៀបចំការកម្សាន្តចម្រុះធំៗយ៉ាងសម្បូរបែប ហើយគេរំពឹងថាភ្ញៀវជាតិនិងអន្តរជាតិច្រើនម៉ឺននាក់នឹងតម្រង់ទៅកាន់ខេត្តភាគនិរតីនៅ៣ថ្ងៃខាងមុខនោះ។ យ៉ាងណាក្ដី មន្ត្រីជំនាញបានរាយការណ៍តាំងតែពីចុងសប្ដាហ៍មុនម៉្លេះថាគ្រប់ផ្ទះសំណាក់និងសណ្ឋាគារទូទាំងខេត្តមួយនេះត្រូវបានភ្ញៀវកុម្ម៉ង់កក់ទុកមុនអស់គ្មានសល់ ខណៈទីតាំងដែលអាចបោះតង់សំណាក់បានក៏សេសសល់តិចតួចបំផុត។

ឯកឧត្ដម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាដែលជាស្ថាប័នពាក់ព័ន្ធលើការរៀបចំដែរនោះ បានបញ្ចេញកង្វល់ខ្លះៗថាភ្ញៀវអាចនឹងបុកទៅច្រើន ដែលអាជ្ញាធរត្រូវតែបង្កើនការគ្រង់ឲ្យខ្ពស់។ ឯកឧត្ដមបន្តថា៖ “គេរាយការណ៍មកថាគ្រប់កន្លែងគេកក់អស់ហើយ។ តាមដឹងគ្រាន់តែភ្ញៀវគ្រោងចេញតាមច្រក ហាទៀន មកពីវៀតណាម ប្រមាណ២ទៅ៣ម៉ឺននាក់ឯនោះ ហើយពេលនេះអាជ្ញាធរកំពុងវិលមុខគិតរៀងត្រៀមរបៀបរៀបរយ”។

បុណ្យសមុទ្រនៅខេត្តព្រះសីហនុ កន្លងមក

ចំណោមកម្មវិធីកម្សាន្តជាច្រើនក្នុងព្រឹត្តិការណ៍បុណ្យសមុទ្រក៏ដាក់ឲ្យមានការប្រកួតកីឡា១០ប្រភេទផងដែរ ដើម្បីបង្កើនភាពអធិកអធម។ កីឡាទាំង១០ប្រភេទរួមមាន៖

ហែលទឹកចម្ងាយឆ្ងាយ