កីឡាករ Novak Djokovic ការពារតំណែងជើងឯក ATP World Tour Finals បានសម្រេច បន្ទាប់ពីយកឈ្នះកីឡាករវាយកូនបាល់លេខ១ពិភពលោក Rafael Nadal ក្នុងវគ្គផ្ដាច់ព្រ័ត្រនៅទីលាន O2 Arena ក្នុងរាជធានីឡុងដុង ដោយពិន្ទុ៦-៣ និង៦-៤។
អត្ថបទ៖ ទីបំផុត Nadal យកតំណែងលេខ១ពិភពលោកបានវិញហើយ
Nadal ទើបតែដណ្ដើមយកចំណាត់ថ្នាក់ខ្ពស់បំផុតរបស់ពិភពលោកពី Djokovic កាលពីខែមុនប៉ុណ្ណោះ បន្ទាប់ពីជាសះស្បើយពីរបួសក្នុងខែកុម្ភៈហើយមានទម្រង់លេងលេចធ្លោឡើងវិញនិងឈ្នះពានជាបន្តបន្ទាប់។ ប៉ុន្តែក្នុងការប៉ះគ្នានៅប្រទេសអង់គ្លេសម្សិលមិញ Djokovic បានបង្ហាញឱ្យឃើញថាចំណាត់ថ្នាក់ល្អជាងមិនប្រាកដថានឹងឈ្នះនោះទេ។
អត្ថបទ៖ ក្ដៅៗ! Nadal លើកពាន US Open លើកទី២ អម្បាញ់មិញនេះ
Novak Djokovic លើពានក្រោយផ្ដួល Rafael Nadal
ម្ចាស់ជើងឯក Australian Open ៤សម័យ និយាយនៅក្រោយការប្រកួតថា៖ “វាជាការប្រកួតក្នុងកម្រិតខ្ពស់បំផុតនៃកីឡាវាយកូនបាល់មុនការមកដល់នៃ Grand Slams ពីព្រោះរៀងរាល់ប្រកួតដែលអ្នកលេង អ្នកត្រូវតតាំងជាមួយកីឡាករលំដាប់កំពូលទាំង១០រៀងរាល់ពីរថ្ងៃម្ដង។ ជាពិសេសឆ្នាំនេះ ក្នុងព្រឹត្តិការ Paris Bercy និង London ពិតជាមិនងាយស្រួលឡើយ។ ខ្ញុំមានមោទនភាពខ្លាំងណាស់ចំពោះវិធីប្រមូលកម្លាំងរបស់ខ្ញុំដែលធ្វើឱ្យខ្ញុំលេងកាន់តែល្អឡើងៗក្នុងពានរង្វាន់នេះ”។
ទន្ទឹមនឹងនេះ ទោះជាមិនអាចឈ្នះជើងឯកមែន តែ Nadal បានថ្លែងអំណរគុណដល់ទស្សនិកជនផងដែរ ដោយនិយាយថា៖ “នេះប្រហែលជារដូវកាលដ៏អស្ចារ្យបំផុតមួយក្នុងអាជីពរបស់ខ្ញុំ ហើយការប្រកួតនៅលើទីលាននេះ (O2 Arena) ពិតជារំភើបមែនទែនសម្រាប់ខ្ញុំ។ សូមអរគុណដល់ទស្សនិកជនទាំងអស់សម្រាប់ការគាំទ្រ មិនមែនសម្រាប់តែថ្ងៃនេះទេ ប៉ុន្តែពេញមួយសប្ដាហ៍តែម្ដង និងសូមអរគុណដល់អ្នកគាំទ្ររបស់ខ្ញុំទាំងអស់គ្នាផងដែរ។ ជួបគ្នាឆ្នាំក្រោយ!”។
នេះជាលើកទី៣ដែលកីឡាករសញ្ជាតិស៊ែបវ័យ២៦ឆ្នាំលើកពានបិទគូទរដូវកាល ខណៈកីឡាករលំដាប់ទី២ពិភពលោករូបនេះធ្លាប់ធ្វើបានក្នុងឆ្នាំ២០០៨និង២០១២រួចមកហើយ។ ម្យ៉ាងវិញទៀត ជ័យជម្នះលើជើងខ្លាំងសញ្ជាតិអេស្ប៉ាញវ័យ២៧ឆ្នាំម្សិលមិញនេះបានបង្កើនតួលេខប្រកួតមិនដែលចាញ់២២ប្រកួតជាប់គ្នា។
អត្ថបទ៖ Nadal បញ្ចប់ឆ្នាំក្នុងចំណាត់ថ្នាក់លេខ១ពិភពលោកជាលើកទី៣
ពេលនេះ Djokovic ត្រូវធ្វើដំណើរត្រលប់ទៅទីក្រុង Belgrade ដើម្បីជួយក្រុមជម្រើសជាតិស៊ែបប្រកួតពានរង្វាន់ Davis Cup ទល់នឹងសាធារណរដ្ឋឆេក ដែលនឹងចាប់ផ្ដើមពីថ្ងៃសុក្រសប្ដាហ៍នេះទៅ៕
0 comments:
Post a Comment