ពេលមានផ្ទៃពោះគួរតែថែរក្សាសុខភាពមាត់ធ្មេញ និងអនាម័យដូចម្តេចខ្លះ?
Breaking News
Loading...
Friday, November 22, 2013
.jpg)
ការមានផ្ទៃពោះគឺជាពេលវេលាមួយក្នុងជីវិតដែលអ្នកបារម្ភខ្លាំងបំផុតអំពីសុខភាពរបស់អ្នក។ អ្នកប្រហែលជាចង់អោយច្បាស់ថា កូនរបស់អ្នកកើតមកនឹងមានសុខភាពល្អហើយ។ សុខភាពមាត់ធ្មេញទេ ប្រោះវាពិតជាផ្នែកមួយដ៏សំខាន់សម្រាប់ចំពោះសុខភាពទូទៅរបស់មនុស្សណាស់។ បើសិនជាអ្នកថែរក្សាអនាម័យមាត់ធ្មេញបានល្អក្នុងពេលមានផ្ទៃពោះ វាពិតជាជួយបង្ការបញ្ហាមាត់ធ្មេញបាន ប៉ុន្តែវាក៏មានផលល្អចំពោះការលូតលាស់របស់កូនផងដែរ។
របបអាហារ និងការថែទាំងធ្មេញពេលមានផ្ទៃពោះ
អ្វីដែលអ្នកញ៉ាំក្នុងពេលមានផ្ទៃពោះសុទ្ធតែមានឥទ្ធិពលទៅលើរបៀបដែលធ្មេញរបស់កូនលូតលាស់ទាំងអស់។ ការលូតលាស់ធ្មេញរបស់កូនគឺនៅចន្លោះអាយុគត៌ ៣ ទៅ៦ខែ។ ចូរញ៉ាំអាហារសម្បូរទៅដោយជាតិកាលស្យូម, ប្រូតេអ៊ីន, វីតាមីន A, C និង D ព្រមទាំងផូស្វ័រ។ មនុស្សមួយចំនួនបែរជាយល់ច្រឡំថា កាលស្យូមសម្រាប់ធ្មេញរបស់កូនត្រូវបានយកចេញពីធ្មេញរបស់ម្តាយ។ ប៉ុន្តែវាត្រូវបានផ្តល់តាមរបបអាហាររបស់អ្នកតែមួយគត់។ បើសិនជាកង្វះជាតិកាលស្យូមក្នុងអាហារ រាងកាយនឹងផ្តល់ជាតិកាលស្យូមនេះចេញពីកន្លែងស្តុកក្នុងឆ្អឹងរបស់ម្តាយវិញ។ ដូច្នេះចូរធ្វើយ៉ាងណាញ៉ាំអាហារដែលសម្បូរទៅដោយជាតិកាលស្យូមអោយបានគ្រប់គ្រាន់ដូចជា អាហារធ្វើពីទឹកដោះគោ និងថ្នាំបំប៉នដែលមានការណែនាំពីគ្រូពេទ្យ។
សុខភាពមាត់ធ្មេញ និងអនាម័យចំពោះស្ត្រីមានផ្ទៃពោះ
- ចូរប្រាប់ពេទ្យធ្មេញអំពីការមានផ្ទៃពោះរបស់អ្នក។ ចូរចៀសវាងការធ្វើធ្មេញទាំងអស់ក្នុងអំឡុងពេល ១២សប្តាហ៍ដំបូង និង ៦ ទៅ ៨សប្តាហ៍ចុងក្រោយនៃការមានផ្ទៃពោះ។ ក្នុងត្រីមាសទីពីរគឺជាពេលវេលាដ៏មានសុវត្ថិភាពយ៉ាងពេញលេញតែម្តងសម្រាប់ការថែរក្សាមាត់ធ្មេញ។ ការធ្វើធ្មេញគួរតែធ្វើក្រោយពីសម្រាលកូនរួច។
- ពេទ្យធ្មេញគួរតែដឹងរាល់ថ្នាំទាំងអស់ដែលអ្នកចាប់ផ្តើមប្រើក្រោយពីមានការណែនាំពីគ្រូពេទ្យ ឬអ្នកឯកទេសរួច។ ការព្យាបាលរបស់ពេទ្យធ្មេញប្រហែលជាត្រូវផ្លាស់ប្តូរអាស្រ័យទៅព័ត៌មានដែលអ្នកបានប្រាប់។
- ពេទ្យធ្មេញនឹងប្រាប់អំពីថ្នាំដែលអ្នកត្រូវចៀសវាងក្នុងពេលមានផ្ទៃពោះ ព្រោះវាអាចប៉ះពាល់ដល់សុខភាពកូនបាន។
- មិនត្រូវផ្អាកការពិនិត្យសុខភាពធ្មេញក្នុងពេលមានផ្ទៃពោះឡើយ។ ការពិនិត្យអញ្ចាញធ្មេញគឺជារឿងសំខាន់ ព្រោះការមានផ្ទៃពោះធ្វើអោយប្រឈមកាន់តែខ្លាំងនឹងជំងឺជុំវិញអញ្ចាញធ្មេញ ដែលនាំអោយឈាមអញ្ចាញធ្មេញបាន។ ចូរយកចិត្តទុកដាក់ចំពោះអញ្ចាញធ្មេញបន្តិច ព្រមទាំងប្រាប់ពេទ្យអោយដឹងផងបើសិនជាអ្នកសម្គាល់ឃើញថាមានការហើម ឬហូរឈាមតាមអញ្ជាញធ្មេញ។
ការថែរក្សាមាត់ធ្មេញ និងអនាម័យក្នុងពេលមានផ្ទៃពោះគឺជារឿងសំខាន់ដូចគ្នានឹងការថែទាំងមុនពេលសម្រាលកូនដែរ៕
Subscribe to:
Post Comments (Atom)
0 comments:
Post a Comment