ជំងឺមិនដកដង្ហើមម្តងៗពេលគេងលក់ជាប្រភពនៃបញ្ហាសុខភាព ដទៃទៀត
Breaking News
Loading...
Monday, November 11, 2013
.jpg)
ជំងឺមិនដកដង្ហើមម្តងៗពេលគេងលក់(Sleep Apnea) គឺជាបញ្ហាដំណេកមួយដ៏ធ្ងន់ធ្ងរ កើតឡើងនៅពេលដែលការដកដង្ហើមរបស់មនុស្សត្រូវបានផ្ដាច់ក្នុងអំឡុងពេលគេងលក់ ។
មនុស្សដែលមានជំងឺមិនដកដង្ហើមម្តងៗពេលគេងលក់(Sleep Apnea) ដែលគ្មានការព្យាបាល ការឈប់ដកដង្ហើមអាចកើតឡើងម្តងហើយម្តងទៀតក្នុងកំឡុងពេលគេង ពេលខ្លះអាចរយ ដង។ នេះមានន័យថា ខួរក្បាល និងរាងកាយប្រហែលជាមិនអាចទទួលបានអុកស៊ីសែននបាន គ្រប់គ្រាន់ឡើយ។
ជំងឺនេះចែកចេញជាពីរប្រភេទគឺ:
- មូលហេតុដោយការស្ទះផ្លូវដង្ហើម ( OSA ) : កើតញឹកញាប់ជាងគេក្នុងចំនោមទាំងពីរប្រភេទ នៃជំងឺនេះ វាត្រូវបានបង្កឡើងដោយការស្ទះនៃផ្លូវដង្ហើម ជាធម្មតានៅពេលដែលជាលិកាទន់ៗ នៅពីខាងក្រោយបំពង់ក ធ្លាក់ចុះក្នុងអំឡុងពេលគេង។
- មូលហេតុទាកទងនឹងការបញ្ជាក្នុងការដកដង្ហើម: មិនដូចជា OSA ទេ ផ្លូវដង្ហើមមិនត្រូវបាន ស្ទះឡើយប៉ុន្តែខួរក្បាលបរាជ័យក្នុងការអោយសញ្ញាមកសាច់ដុំដើម្បីធ្វើការដកដង្ហើមដោយសារតែការអស្ថេរភាពនៅក្នុងមជ្ឈមណ្ឌលបញ្ជាដំនកដង្ហើម ។
តើខ្ញុំមានហានិភ័យសម្រាប់ជំងឺមិនដកដង្ហើមម្តងៗពេលគេងលក់(Sleep Apnea)ដែរឬទេ?
ជំងឺមិនដកដង្ហើមម្តងៗពេលគេងលក់(Sleep Apnea) អាចប៉ះពាល់ដល់នរណាម្នាក់ក៏បាន នៅអាយុណាមួយសូម្បីតែកុមារក៏ដោយ។ កត្តាហានិភ័យសម្រាប់ជំងឺមិនដកដង្ហើមម្តងៗ ពេលគេងលក់(Sleep Apnea) រួមមាន:
• មនុស្សភេទប្រុស
• មនុស្សលើសទម្ងន់
• មនុស្សមានអាយុលើសពី ៤០ឆ្នាំមានទំហំ កធំ(១៧ inches ឬធំជាងនេះលើបុរសនិង ១៦inches ឬធំជាងនេះលើស្ត្រី )
• មនុស្សមានអាមីដាល (tonsils) ធំ អណ្តាតធំ ឬ ឆ្អឹងថ្គាមតូច
• មានប្រវត្តិគ្រួសារដែលមានជំងឺនេះ
• ជំងឺភើអាស៊ីតក្រពះ (reflux Gastroesophageal ឬ GERD)
• ស្ទះ ច្រមុះ ដោយសារតែវៀចខ្ទង់ច្រមុះ អាឡែរហ្សី ឬមានបញ្ហាក្នុងប្រហោងឆ្អឹង ជុំវិញច្រមុះ
តើអ្វីទៅជា ផលប៉ះពាល់នៃជំងឺមិនដកដង្ហើមម្តងៗពេលគេងលក់ (Sleep Apnea)?
ប្រសិនបើមិនមានព្យាបាល ជំងឺនេះអាចជាមូលហេតុនៃបញ្ហាសុខភាពមួយចំនួនរួមមាន:
• សម្ពាធឈាមខ្ពស់
• ជំងឺដាច់សរសៃឈាមខួរក្បាល
• ខ្សោយបេះដូង ចង្វាក់បេះដូងមិនទៀងទាត់ និង គាំងបេះដូង
• ជំងឺទឹកនោមផ្អែម
• ថប់អារម្មរណ៏ (depression)
លើសពីនេះទៀត បើមិនមានការព្យាបាលជំងឺនេះអាចធ្វើអោយការអនុវត្តការងារប្រចាំថ្ងៃ មិនបានល្អ ដូចជានៅកន្លែងធ្វើការ នៅសាលារៀន បើកម៉ូតូ ឬរថយន្តជាដើម៕
Subscribe to:
Post Comments (Atom)
0 comments:
Post a Comment