ក្រុមជើងឯកលីក៤សម័យ ភ្នំពេញក្រោន នឹងចេញដំណើរទៅកាន់ទីក្រុង ណាងនីង ប្រទេសចិននៅថ្ងៃទី១៤វិច្ឆិកាស្អែកនេះដើម្បីចូលរួមក្នុងពានរង្វាន់ Huanglongju Real Estate Cup នៅទីនោះ។ នេះបើតាមការរាយការណ៍លើទំព័រហ្វេសប៊ុករបស់ក្លិបនៅមុននេះបន្តិច។
ប្រភពថាក្រុម ខ្លាំងរបស់កម្ពុជាស្ថិតនៅពូល B ជាមួយក្រុមម្ចាស់ផ្ទះ Guangxi Nanning Runhua FC និងក្រុមយុវជនមួយផ្សេងទៀតទៅពី ឡាវ ខណៈដែលពូល A មានក្រុម Lang Son City របស់វៀតណាម Changwon របស់កូរ៉េ និងក្រុម Guangxi Huanglongju FC របស់ចិន។
ការជម្រុះក្នុងពូល ភ្នំពេញក្រោន ត្រូវប៉ះក្រុម Guangxi Nanning Runhua FC នៅថ្ងៃសុក្រទី១៥វិច្ឆិកាខានស្អែក ហើយនឹងបន្តមួយប្រកួតទៀតពោលតទល់ជាមួយក្រុម ឡាវ នៅសៅរ៍ទី១៦វិច្ឆិកាលើទីលានកីឡដ្ឋាន Nanning Stadium ដែលការប្រកួតទាំង២ថ្ងៃនោះ នឹងចាប់ផ្ដើមពីម៉ោង៣រសៀលដូចគ្នា។
ការឆ្ពោះកាន់ពានរង្វាន់ក្រៅស្រុកជើងនេះ អាចនិយាយបានថាជាត្រៀមមួយផ្នែកថែមទៀត មុនពេលដែលការប្រកួតបាល់ទាត់ក្របខ័ណ្ឌកំពូលកម្ពុជា គ្រោងនឹងចាប់ផ្ដើមនៅខែមករាខាងមុខ៕
អត្ថបទ៖ ប៉ែន សុផាន់ណា
ប្រភព៖ PPC FB
0 comments:
Post a Comment