ស្លឹកម្រុំមានប្រយោជន៍ដល់សុខភាពអ្វីខ្លះ?
Breaking News
Loading...
Thursday, November 14, 2013
.jpg)
ដើមម្រុំត្រូវបានគេស្គាល់ថាជាដើមដំបងវាយស្គរដែលមានការលូតលាស់យ៉ាងច្រើននៅភ្នំហេម៉ាឡៃនៃប្រទេសឥណ្ឌាបែកខាងជើង។ រុក្ខជាតិមួយនេះគឺសម្បូរទៅដោយជីវជាតិដ៏មានតម្លៃយ៉ាងច្រើនផងដែរ។ ពិតណាស់ អ្នកស្រាវជ្រាវផ្នែកសុខភាពបានចាប់ផ្តើមអោយឈ្មោះវាថា “ដើមឈើផ្តល់សំណាង” និង “ទឹកអម្រិតសម្រាប់ជីវិតដ៏យូរអង្វែង” ដោយសារតែវាមានសមត្ថភាពក្នុងការជួយអោយរបួសឆាប់ជាយ៉ាងអស្ចារ្យ។ ខាងក្រោមនេះគឺជាអត្ថប្រយោជន៍ចំពោះសុខភាពមួយចំនួនរបស់ស្លឹកម្រុំ។
ជាអង់ទីអុកស៊ីដង់ (សារធាតុប្រឆាំងអុកស៊ីតកម្ម)
បើយោងទៅតាមការវិភាគបានអោយដឹងថា ស្លឹកម្រុំដោយមានថាមពលមួយនេះ ផ្ទុកទៅដោយអង់ទីអុកស៊ីដង់ចំនួន ៤៦ប្រភេទ។ តាមពិត ស្លឹកម្រុំផ្ទុកទៅដោយចំនួនវីតាមីន C ដែលស្មើនឹងចំនួនណែនាំអោយប្រើប្រាស់រហូតដល់ ២២ភាគរយឯណោះ ដែលជាអង់ទីអុកស៊ីដង់ដ៏សំខាន់បំផុតនៅលើផែនដីនេះ ហើយក៏មានវីតាមីន A ដែលស្មើនឹងចំនួនណែនាំអោយប្រើប្រាស់រហូតដល់ ២៧២ភាគរយដែរ។ អង់ទីអុកស៊ីដង់ជួយបន្សាប់ឥទ្ធិពលអាក្រក់របស់រ៉ាឌីកាលសេរីបាន ដូច្នេះវានឹងជួយកាត់បន្ថយការកើតជំងឺមហារីក និងជំងឺផ្សេងៗបានដូច ជំងឺភ្នែក Macular Degeneration និងជំងឺ Cystic Fibrosis។
សម្បូរទៅដោយអាស៊ីតអាមីណេ
ស្លឹកម្រុំផ្ទុកទៅដោយអាស៊ីតអាមីណេចំនួន ១៨ ហើយ ៨ក្នុងចំណោមនោះគឺជាអាស៊ីតអាមីណេដ៏សំខាន់ដើម្បីបង្កើតបានជាប្រូតេអ៊ីនពេញលេញមួយបាន។ ពិតណាស់ ប្រូតេអ៊ីនរបស់ស្លឹកម្រុំគឺជាប្រភពដ៏អស្ចារ្យខ្លាំងណាស់។ រាងកាយត្រូវការប្រូតេអ៊ីនសម្រាប់បង្កើតជាសាច់ដុំ, ឆ្អឹងខ្ចី, ឆ្អឹង, ស្បែក និងឈាម ហើយវាក៏ជាតម្រូវការសម្រាប់បង្កើតជាអង់ស៊ីម និងអ័រម៉ូនផងដែរ។
កាល់ស្យូម និងម៉ាញ៉េស្យូម
ការទទួលទានស្លឹកម្រុំនឹងផ្តល់អោយយើងនូវជាតិកាល់ស្យូមដែលស្មើនឹងចំនួនណែនាំអោយទទួលទានរាល់ថ្ងៃយ៉ាងហោចណាស់ ១២៥ភាគរយ និងម៉ាញ៉េស្យូម ៦១ភាគរយ។ ជាតិរ៉ែទាំងពីរប្រភេទនេះត្រូវការធ្វើការជាមួយគ្នា ដោយកាល់ស្យូមជាតម្រូវការសម្រាប់បង្កើតឆ្អឹង និងធ្មេញ ហើយយើងក៏ត្រូវការម៉ាញ៉េស្យូមសម្រាប់បឺតស្រូបជាតិកាល់ស្យូមផងដែរ។ ចាប់តាំងពីស្លឹកម្រុំផ្ទុកទៅដោយសារធាតុទាំងពីរនេះដ៏ច្រើនមក វាពិតជាពិសេសសម្រាប់អ្នកជំងឺពុកឆ្អឹង និងជំងឺឆ្អឹងផ្សេងៗទៀតណាស់។
ពោរពេញទៅដោយជីវជាតិយ៉ាងច្រើន
ស្លឹកម្រុំផ្ទុកទៅដោយជីវជាតិខុសៗគ្នាចំនួន ៩០ប្រភេទ ដោយក្នុងនោះមានជាតិកាលស្យូមច្រើនជាងទឹកដោះគោ ៤ដង, ប៉ូតាស្យូមច្រើនជាងចេក ៤ដង, វីតាមីន A ច្រើនជាងការ៉ុត ៤ដង, វីតាមីន B3 ច្រើនជាង សណ្តែកដី ៥០ដង, ម៉ាញ៉េស្យូមច្រើនជាងស៊ុត ៣៦ដង និងជាតិដែកច្រើនជាងស្ពៃ Spinach ២៥ដង។ វាក៏ផ្ទុកទៅដោយជីវជាតិបន្ថែមច្រើនទៀតទៅ ដូចជាជាតិសរសៃ, ជាតិអ៊ីយ៉ូត, សារធាតុ Lutein, ស័ង្គសី, សេឡេញ៉ូម, សារធាតុ Zeatin និង Beta-carotene។
ផលជីវជាតិចិញ្ចឹមដល់ស្បែក
ដោយសារតែវាផ្ទុកទៅដោយជាតិរ៉ែច្រើន ធ្វើអោយស្លឹកម្រុំក្លាយទៅជាអាហារដែលផ្តល់ជីវជាតិដ៏អស្ចារ្យសម្រាប់ចិញ្ចឹមដល់ស្បែកបាន។ ជាមួយគ្នានេះដែរ ក្រុមហ៊ុនកែសម្ផស្សកាន់តែច្រើនកំពុងតែបញ្ចូលទឹកដែលចម្រាញ់ចេញពីស្លឹកម្រុំចូលទៅក្នុងផលិតផលរបស់ខ្លួន។ ក្រែម និងឡូសិនស្លឹកម្រុំអាចលាបលើស្បែកដើម្បីអាចជួយចិញ្ចឹម និងផ្តល់សារធាតុដល់ស្បែកបាន។
ការទទួលទានស្លឹកម្រុំជាទៀងទាត់ក៏មានទំនាក់ទំនងក្នុងការបញ្ចុះសម្ពាធឈាម, ពង្រឹងដល់ការរំលាយអាហារ និងសតិអារម្មណ៍, បង្កើនមុខងារប្រព័ន្ធភាពស៊ាំ, សម្បូរជាតិសរសៃ ព្រមទាំងជួយសម្រកទម្ងន់ទៀតផង៕
Subscribe to:
Post Comments (Atom)
0 comments:
Post a Comment