Cristiano Ronaldo បានបង្ហាញរូបភាពស្បែកជើងថ្មីរបស់ខ្លួនតាមបណ្ដាញសង្គម Twitter ដែលមាន Followers ជាង២០លាននាក់របស់ខ្លួន។
រូបខាងស្ដាំជារូប Ronaldo បង្ហោះលើ Twitter
កីឡាករល្បីវ័យ២៨ឆ្នាំរបស់ក្លិបយក្សអេស្ប៉ាញ Real Madrid រូបនេះ ក៏បានបង្ហាញរូបភាពផ្សេងទៀតមួយចំនួនទាក់ទងនឹងស្បែកជើង Nike Mercurial galaxy ឬ Mercurial IX នេះផងដែរ មុនពេលបន្ថែមវីដេអូខ្លីមួយទៀតក្នុង Instagram ដែលបង្ហាញពេលខ្លួនបើកប្រអប់ស្បែកជើងនេះ។
ក្រៅពីបង្ហាញស្បែកជើង កីឡាករជម្រើសជាតិព័រទុយហ្គាល់ ក៏បានសួរសំណួរសាមញ្ញយ៉ាងខ្លីអមជាមួយដែរថា៖ “តើអ្នកគិតម៉េចដែរ ចំពោះស្បែកជើង Mercurial ថ្មីរបស់ខ្ញុំពី NikeFootball នេះ?”
បើយោងតាមលោក Denis Dekovic អ្នកឆ្នៃម៉ូដស្បែកជើងឲ្យ Ronaldo បានឲ្យដឹងថាមូលហេតុដែលលោកឆ្នៃម៉ូដ Galaxy នេះ គឺដោយសារតែសមត្ថភាពដ៏អស្ចារ្យរបស់ CR7 ដែលមនុស្សលើភពផែនដីពិបាកនឹងធ្វើបាន។
អតីតកីឡាករក្លិបបិសាចក្រហមរូបនេះ នឹងប្រើប្រាស់ស្បែកជើងថ្មីនេះជាលើកដំបូង នៅក្នុងជំនួប El Clasico ទល់នឹង Barcelona ថ្ងៃសៅរ៍ខាងមុខនេះ៕
ចុចត្រង់នេះដើម្បីមើលវីដេអូដែល Ronaldo បង្ហោះលើ Instagram។
0 comments:
Post a Comment