Smartphone ស៊េរីក្រោយដែលពុំទាន់មានការប្រកាសជាផ្លូវការនៅឡើយពីក្រុមហ៊ុន ទាំង Samsung Galaxy S5 និង Nexus 5 ហាក់ធ្វើឱ្យបណ្ដាសាធារណជនមានការចាប់អារម្មណ៍យ៉ាងខ្លាំង។
អាន៖ Google ថាកាមេរ៉ាលើNexus នឹងអស្ចារ្យជាងនេះ
រូបដែលបានបែកធ្លាយ LG Nexus 5
ចាប់និយាយពី Nexus 5 មុន ដែលម៉ូដែលស៊េរីថ្មីនេះនឹងដំណើរការដោយប្រព័ន្ធប្រតិបត្តិការជំនាន់ថ្មីចុងក្រោយរបស់ Google គឺ Android 4.4 KitKat ហើយមានអេក្រង់ True HD IPS Plus capacitive touchscreen ទំហំ ៥អ៊ីញ។ មានការរំពឹងថា Smartphone ថ្មីរបស់ LG នឹងមានកាមេរ៉ា 8MP បំពាក់ CPU ប្រភេទ Quad-core ល្បឿន 2.3GHz, RAM ទំហំ 3GB និងមាន Memory ម៉ាស៊ីន 16GB/32GB។ ពិសេសនោះ Nexus 5 នឹងប្រើប្រព័ន្ធបណ្ដាញ LTE-A ដែលនឹងជួយបង្កើនល្បឿនប្រើប្រាស់អ៊ីនធឺណិតបានលឿន។ គេរំពឹងថា Nexus 5 នឹងបង្ហាញវត្តមានផ្លូវការមុនដាច់ខែតុលានេះ។
សូមទស្សនាវីដេអូ Nexus 5 ដូចខាងក្រោម៖
ងាកមកមើលកំពូល Smartphone ដែលឮតែឈ្មោះមិនទាន់មានរូបរាងពិតប្រាកដរបស់ Samsung វិញម្ដង គឺ Galaxy S5។ លើកនេះ ហាក់ខុសប្លែកពីការប្រកាសជំនាន់ Galaxy ចេញថ្មីខុសពេលគ្នានឹងលើកមុនៗ។ តាមសេចក្ដីរាយការណ៍ថ្មីៗនេះឱ្យដឹងថា Samsung គ្រោងប្រកាស Galaxy S5 នៅដើមឆ្នាំ២០១៤ខាងមុខ។
អាន៖ Galaxy S5 មិនជ្រាបទឹក និងធូលីបែកព័ត៌មាន!
រូបគំរូ Galaxy S5
តាមគេហទំព័រកូរ៉េ naver បានអះអាងថា Samsung នឹងបង្ហាញ Galaxy ជំនាន់ថ្មីនៅខែមករា ឆ្នាំ២០១៤ គឺអំឡុងពិព័រណ៍អេឡិចត្រូនិក CES 2014 ហើយអាចបន្តតាំងបង្ហាញនៅសមាជទូរសព្ទពិភពលោក MWC 2014។ បន្ទាប់មក ចេញលក់នៅអំឡុងខែមិនា ឬមេសា។
ចំណុចពិសេសដែលរំពឹងមាននៅលើ S5 គឺល្បីថា នឹងមានកាមេរ៉ាធំជាងស៊េរីមុនៗពោលគឺ 16MP ហើយមានសម្បករឹងមាំជាងមុនព្រោះនឹងប្ដូរពីការប្រើសារធាតុប្លាស្ទិក មកជាលោហធាតុវិញ។ កំពូល Smartphone ថ្មីនេះនឹងប្រើ Exynos 64-bit processor របស់ Samsung ផ្ទាល់មិនក្រោម 8-core ឡើយ។ មានបច្ចេកវិទ្យាកាមេរ៉ា OIS (optical image stabilization) និង low-light shooting ធ្វើឱ្យគុណភាពរូបកាន់តែច្បាស់ទោះថតនៅទីងងឹត។ ប្លែកមួយទៀត នឹងមានមុខងារស្កេនក្រយៅដៃ fingerprint scanner ដូច iPhone 5S ដែរ។
បើមានព័ត៌មានបន្ថែមយើងខ្ញុំនឹងផ្សាយជូនដំណឹងប្រិយមិត្តបានដឹងបន្តទៀត៕
0 comments:
Post a Comment