អ្នកកាន់សាសនាហិណ្ឌូ រត់ជាន់គ្នាស្លាប់ជិត ១០០នាក់ បន្ទាប់ពីផ្អើលរឿងបាក់ស្ពាន
ប្រទេសឥណ្ឌា ៖ ប៉ូលិសបាននិយាយថា ការរត់ជាន់គ្នានៅលើស្ពានមួយ នៅខាងក្រៅព្រះវិហារ ហិណ្ឌូនៅប្រទេសឥណ្ឌា កាលពីថ្ងៃអាទិត្យ បានសម្លាប់មនុស្ស រហូតដល់ ៩១ នាក់ ដោយជនរងគ្រោះជាច្រើន បានលោតពីលើស្ពាន ទៅស្លាប់នៅក្នុងទឹកទន្លេ នៅខាងក្រោមនៅក្នុងសង្កាត់ Datia ក្នុងរដ្ឋម៉ាដយ៉ា ភាគកណ្តាល នៃប្រទេសឥណ្ឌា។
ចំនួនមនុស្សស្លាប់អាច កើនឡើងថែមទៀត ខណៈដែលក្រុមគ្រូពេទ្យ បានតស៊ូរុករកកាត់ហ្វូង អ្នកធ្វើធម្មយាត្រា ទៅកាន់កន្លែងកើតហេតុ ប្រកបដោយសោកនាដកម្ម។ អធិការរងប៉ូលិស លោកឌី កេ អារិយ៉ា បាននិយាយ បន្ទាប់ពីសោកនាដកម្មនេះ មនុស្សស្លាប់សរុបបានឡើងដល់ ៩១ នាក់ និង ១០ នាក់ផ្សេងទៀត ស្ថិតនៅក្នុងលក្ខណៈធ្ងន់ធ្ងរ។
លោក អារីយ៉ា បានបន្តថា ការជាន់គ្នានេះ បានកើតឡើងដោយសារ មានពាក្យចចាមអារ៉ាមថា ស្ពានអាចបាក់ បន្ទាប់ពីរថយន្តធុនធ្ងន់មួយគ្រឿង បានបើកឆ្លងកាត់។ មនុស្សប្រហែល ២ ម៉ឺននាក់ បានស្ថិតនៅលើស្ពានឆ្លងទន្លេ Sindh នៅពេលការរត់ជាន់គ្នា បានកើតឡើង។
ប្រភពផ្សេងៗទៀត ពីប៉ូលិសបាននិយាយថា អ្នកកាន់សាសនា ហ៊ីណ្ឌូ រហូតដល់ទៅ ៥០ ម៉ឺននាក់ បានស្ថិតនៅខាងក្នុង ឬក៏នៅជុំវិញព្រះវិហារ នៅស្រុក Datia ដែលស្ថិតនៅចម្ងាយ ៣៥០ គីឡូម៉ែត្រ ពីខាងជើងរដ្ឋធានី Bophal របស់រដ្ឋនេះ៕
ប្រភពពី៖ www.watphnom-news.com
0 comments:
Post a Comment