ស្រីស្នេហ៍ជាអ្នកបញ្ជា ឱ្យសង្សារសម្លាប់ប្រពន្ធខ្លួនឯង ដើម្បីបានសោយសុខលើគំនរទ្រព្យ
រាជធានីភ្នំពេញ ៖ សមត្ថកិច្ចបានបង្ហាញមុខ ឃាតករចិត្តឆៅ ដែលសម្លាប់ប្រពន្ធខ្លួនឯង រួមទាំងកូនក្នុងផ្ទៃ ព្រោះតែចង់យកស្រីស្នេហ៍ ដែលទើបស្គាល់គ្នាថ្មីថ្មោង មកធ្វើជាប្រពន្ធពេញមុខ និងអាចរស់នៅសោយសុខ លើគំនរទ្រព្យសម្បត្តិ ប៉ុន្តែតាមរយៈការសាកសួរ យ៉ាងយកចិត្តទុកដាក់ សមត្ថកិច្ចបានរកឃើញថា ឃាតករពិតប្រាកដ គឺនារីជាស្រីស្នេហ៍ របស់ស្វាមីស្ត្រីរងគ្រោះ ។
ជនសង្ស័យទាំងពីរនាក់ ដែលត្រូវបានឃាត់ខ្លួន ម្នាក់ឈ្មោះ ស៊ឺ លូហេងសុង អាយុ ៣២ ឆ្នាំ ត្រូវជាប្តីរបស់ស្ត្រីរងគ្រោះឈ្មោះ ហ៊ួរ លីជូរ អាយុ ៣៤ ឆ្នាំ ដែលត្រូវបានអាក សម្លាប់ក្នុងផ្ទះរបស់ខ្លួន ខណៈនាងមានផ្ទៃពោះ ៣ ខែ កំពុងដេកជាមួយ កូនប្រុសអាយុ មួយឆ្នាំ និងម្នាក់ទៀតឈ្មោះ ប្រាក់ សុវណ្ណវលក្ខណ៍ ភេទស្រី អាយុ ២៣ ឆ្នាំ ជាបុគ្គលិកក្រុមហ៊ុនឯកជនមួយ មានទីលំនៅតាមបណ្ដោយផ្លូវលេខ៣១០ សង្កាត់បឹងកេងកង៣ ខណ្ឌចំការមន ។
សមត្ថកិច្ចបានស្រាវជ្រាវដឹងថា ជនសង្ស័យទាំងពីរនាក់នេះ ជាគូស្នេហ៍ថ្មោងថ្មីនឹងគ្នា និងម្នាក់ជាប្តីស្ត្រីរងគ្រោះ ដែលបានរៀបគម្រោង ផែនការសម្លាប់ប្រពន្ធខ្លួនឯង ដើម្បីបានរួមរស់ជាមួយស្ត្រីថ្មី ជាប្តីប្រពន្ធដោយពេញមុខ។ សមត្ថកិច្ចបានបង្ហើបឲ្យដឹងថា នារីឈ្មោះ ប្រាក់ សុវណ្ណវលក្ខណ៍ ដែលជាស្រីស្នេហ៍ គឺជាអ្នកបញ្ជាឱ្យបុរសជាសង្សារនោះ សម្លាប់ប្រពន្ធរបស់ខ្លួន ដើម្បីបានរួមរស់ នៅលើផ្ទះជាមួយគ្នា សោយសុខ ក្នុងគំនរទ្រព្យសម្បត្តិ។
ឃាតកម្មអារ.កសម្លាប់ស្ត្រីម្នាក់ នៅលើផ្ទះក្នុងបន្ទប់ដំណេក នៅភូមិដើម មាក់ក្លឿ សង្កាត់ច្បារអំពៅទី១ ខណ្ឌមានជ័យ គេពុំអាចស្មានដល់ថា ជនដៃដល់ គឺជាប្តីរបស់នាងឡើយ ព្រោះតែប្តីកំណាចបែកឆ្វេង ចង់បានប្រពន្ធថ្មី ដែលជាស្រីស្នេហ៍របស់ខ្លួន ។ សពស្ត្រីរងគ្រោះ ត្រូវបានហែទៅបញ្ចុះ នៅទីលានបញ្ចុះសព ក្នុងឃុំពើក ស្រុកអង្គស្នួល ខេត្តកណ្តាល កាលពីថ្ងៃទី១៣ ខែតុលា គឺជាពេលវេលា ដែលសមត្ថកិច្ច ចាប់ឃាត់ខ្លួនឃាតកដៃឆៅ មកបង្ហាញមុខជាសាធារណៈ៕
ប្រភពពី៖ www.watphnom-news.com
0 comments:
Post a Comment