កីឡាករវាយកូនបាល់វ័យក្មេងកម្ពុជា ឡុង សំនៀង នឹងទទួលបានចំណាត់ថ្នាក់ក្នុងលំដាប់ពិភពលោកពីសហព័ន្ធកីឡាវាយកូនបាល់អន្តរជាតិ (ITF World Junior Ranking) នៅថ្ងៃទី ២៨ តុលា ខាងមុខ។
កីឡាករដែលបង្ហាញខ្លួនក្នុងកម្មវិធី Davis Cup របស់កម្ពុជារូបនេះបានក្លាយជាកីឡាករវ័យក្មេងដំបូងគេដោយទទួលចំណាត់ថ្នាក់ពិភពលោកនេះ។ ដោយលេងក្នុងកម្មវិធី ITF Grade Four ជាលើកទី២ នៅទីក្រុង Surabaya ប្រទេសឥណ្ធូនេស៊ី ឡុង សំនៀង បានយកឈ្នះ កីឡាករម្ចាស់ផ្ទះ Mohammed RizkyWidianto ដែលស្ថិតលំដាប់លេខ៥ប្រចាំកម្មវិធីខាងលើដោយលទ្ធផល ៧-៥, ៤-៦, និង ៦-៣ ដើម្បីទទួលជ័យជម្នះជុំទី២របស់ខ្លួន។
នៅជុំទី១ សំនៀង បានយកឈ្នះ កីឡាករម្ចាស់ផ្ទះ GanangRahmat Trisnawan ដោយលទ្ធផល ៦-៣, ៦-៣ ហើយជ័យជម្នះទាំងនេះបានធានាឲ្យកីឡាករវ័យ១៦ ឆ្នាំខាងលើមានចំណាត់ថ្នាក់ពិភពលោកផ្នែកយុវជននៅថ្ងៃទី ២៨ តុលា ដើមសប្ដាហ៍ក្រោយ។
លោក Braen Aneiros គ្រូបង្វឹកជម្រើសជាតិបានថ្លែងថា ៖ «ដោយកើតនិងរីកចម្រើននៅកម្ពុជា សំនៀង តែងលេងនិងប្រកួតក្នុងស្រុក។ រហូតពេលនេះ គេបានចេញទទួលស្នាដៃនៅក្រៅប្រទេស ដោយបានជ័យជម្នះលើកីឡាករដែលមានចំណាត់ពិភពលោក ៨៧៥។ នេះពិតជារឿងគួរឲ្យកត់សម្គាល់»៕
0 comments:
Post a Comment