ឃុំខ្លួនយុវជន២នាក់ពីបទរំលោភបូកក្មេងស្រីម្នាក់អាយុ១៥ឆ្នាំ
ភ្នំពេញៈ ចៅក្រមស៊ើបសួរ នៃតុលាការក្រុងភ្នំពេញនៅព្រឹក ថ្ងៃទី ២ តុលានេះ បានសម្រេចឃុំខ្លួនយុវជន ២ នាក់ពីបទ«រំលោភសេពសន្ទវៈបូក» និង បានបង្គាប់ឲ្យបញ្ជូនទៅឃុំខ្លួន ជាបណ្តោះអាសន្ន នៅឯពន្ធនាគារព្រៃស ដើម្បីរង់ចាំ ការស៊ើបអង្កេតបន្ថែម និង សវនាការនាពេលអនាគត។
សមត្ថកិច្ចបានឲ្យដឹងថា យុវជនសង្ស័យទាំង ២ នាក់ខាងលើនេះ គឺមាន ឈ្មោះ ១-នឿន ខេង ហៅវណ្ណា អាយុ ២១ ឆ្នាំ មានស្រុកកំណើត នៅភូមិពាមក្រស្នា ឃុំពាមក្រស្នា ស្រុកស្ទឹងត្រង់ ខេត្តកំពង់ចាម និង ទី២-ឈ្មោះប្រាក់ ធីម អាយុ ១៧ឆ្នាំ មានស្រុកកំណើតភូមិកោះវែក ឃុំបឹងសាឡាងខាងត្បូង ស្រុកកំពង់ត្រាច ខេត្តកំពត។ ពូកគេត្រូវបានឃាត់ខ្លួន ជាប់ពាក់ព័ន្ធនឹងការរំលោភសេពសន្ទវៈ ទៅលើក្មេងស្រីម្នាក់អាយុ ១៥ ឆ្នាំ ដែលបានប្រព្រឹត្ត កាលពីវេលាម៉ោង ៧ និង ៣០នាទីយប់ ថ្ងៃទី២៨ កញ្ញា ២០១៣ ក្នុងគុម្ពោធព្រៃមួយកន្លែងស្ថិតនៅភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ។
ចំណែកឯ ក្មេងស្រីរងគ្រោះ ខាងលើនេះ មានឈ្មោះ ស.ជ.ណ អាយុ ១៥ ឆ្នាំ មានទីលំនៅភូមិកើតហេតុខាងលើ។
ជនសង្ស័យទាំងពីរនាក់។ រូបថត ប៊ុត រស្មីគង្គា
0 comments:
Post a Comment