សំណង់ដែកថែប ផ្លូវរថភ្លើងលើអាកាស ឆ្លងកាត់ជ្រលងភ្នំ បឹងបួ ទន្លេ និងព្រៃព្រឹក្សា ដ៏អស្ចារ្យនៅប្រទេសភូមា
ប្រទេសភូមា ៖ សមិទ្ធផលនៃសំណង់ ផ្លូវដែករថភ្លើងលើអាកាស ដែលគេតែងហៅថា ហ្គូតេក ត្រូវបានរបបអាណានិគម អង់គ្លេស បន្សល់ទុកឲ្យប្រទេសភូមា ហើយសំណង់ដែក ផ្លូវរថភ្លើងលើអាកាសឆ្លងកាត់ តំបន់ជ្រលងភ្នំ បឹងបួទន្លេ និងព្រៃព្រឹក្សា ហ្គូតេក មានទីតាំងស្ថិតនៅតំបន់ ណាងគីយ៉ូ ភាគកណ្តាលប្រទេសភូមា។
ក្រុមអ្នកជំនាញ ផ្នែកសំណង់បានឲ្យដឹងថា វាគឺជាសំណង់មានលក្ខណៈ ដ៏អស្ចារ្យមួយរបស់ ប្រទេសភូមា ដែលបានសង់ឡើង ដោយក្រុមវិស្វករ ក្នុងរបបអាណានិគម អង់គ្លេស តាំងពីដើមសតវត្សរ៍ ទី២០។ វាក៏ជាសំណង់ផ្លូវរថភ្លើង ដែលខ្ពស់ជាងគេបំផុត នៅប្រទេស ភូមា បានសាងសង់ចប់ជាស្ថាពរ នាឆ្នាំ ១៩៩០ និងជាសំណង់ផ្លូវ មានរាងជាជើងសេះធំ ជាងគេលើលោក។
ផ្លូវរថភ្លើងលើអាកាស ហ្គូតេក នេះស្ថិតនៅចំកណ្តាល ប្រទេសមានចម្ងាយប្រហែលជា ១០០ គីឡូម៉ែត្រ។ សំណង់ ផ្លូវអាយស្ម័យយាននេះ ត្រូវបានប្រទេស អង់គ្លេស សាងសង់ឡើង ចង់បង្ហាញពីឥទ្ធិពលនៃការរីកដុះដាល នៃរបបអាណានិគម របស់ខ្លួន។ ទ្រង់ទ្រាយនៃសំណង់ ត្រូវបានយកដែកថែប មានគុណភាពខ្ពស់ពី បរទេសមក សាងសង់។ ផ្លូវរថភ្លើងលើអាកាស សង់អំពីដែកនេះ មានប្រវែង ៦៨៩ ម៉ែត្រហើយ តាំងពីដើមដល់ចប់ មានបន្ទាយប៉មចំនួន ១៥ កន្លែង។
គេហាក់ដូចជា ទទួលបានទិន្នន័យ ចម្រូងចម្រាសគ្នា បន្តិចដោយមាន ប្រភពមួយចំនួនធំ បាននិយាយថា ផ្លូវដែកខាងលើនេះ ទំនងជាមានកម្ពស់ ២៥០ ម៉ែត្រ។ តែតាមប្រភពពិត បានឲ្យដឹងចំពោះចំណុចខ្ពស់ជាងគេ នៃកំពូលបន្ទាយប៉ម នៃសំណង់ ដែកផ្លូវរថភ្លើងលើអាកាស នោះខ្ពស់បំផុតតែ ១២០ ម៉ែត្រទេ។ ផ្លូវរថភ្លើងឆ្លងកាត់តំបន់ជ្រលងភ្នំ ហ្គូតេក នេះក៏ទទួលបាននូវ កំណត់ត្រាផ្នែកសំណង់ ផ្លូវដែកខ្ពស់ជាងគេលើ ពិភពលោក កាលពីសម័យនោះ៕
0 comments:
Post a Comment