យុវជនកូនខ្មែររស់នៅប្រទេសបារាំងចំនួន ២ នាក់ បានសម្រេចចិត្តមកធ្វើតេស្តសមត្ថភាពជាមួយក្រុមបាល់ទាត់ល្បីៗ ក្នុងស្រុកមួយចំនួន ដូចជា ភ្នំពេញក្រោន ណាហ្គាខប TriAsia Phnom Penh FC និង អគ្គស្នងការដ្ឋាននគរបាលជាតិ ដើម្បីចាប់អាជីពជាកីឡាករបាល់ទាត់។
Pak Chrissopher (ស្ដំា) និង Pak Viecheth (ឆ្វេង)
អ្នកទាំង ២ ក្នុងរូប ម្នាក់ឈ្មោះ Pak Chrissopher និង Pak Viecheth។ ពួកគាត់បានមកដល់កម្ពុជាប្រមាណ ជាងមួយ សប្ដាហ៍ ហើយ និងបានចូលធ្វើតេស្ដក្នុងក្លិបទាំង៤ ដែលបានរៀបរាប់ខាងលើ។ ប៉ុន្ដែក្លិប អគ្គស្នងការដ្ឋាននគរបាលជាតិជាក្លិបក្រុងចុងក្រោយហើយ ដែលពួកគាត់បង្ហាញសមត្ថភាព។ ចំណែកឯលទ្ធផល ពីការធ្វើតេស្ដ ជាមួយ ៣ ក្លិបដំបូង ថ្នាក់ដឹកនាំនីមួយៗ បានប្រាប់ថា [ចាំពិចារណាមើលសិន]។
ទាក់ទិននឹងការសង្កេតមើលកីឡាករទាំង ២ នាក់ខាងលើ លោក សារ៉េត ស៊ីដន ជំនួយការគ្រូបង្វឹកប្រចាំក្លិប អគ្គស្នងការដ្ឋាននគរបាលជាតិ បានប្រាប់ថា ក្លិបលោកកំពុងត្រួតពិនិត្យមើលសម្ថភាពកីឡាករទាំង ២នាក់ តែអ្វីៗ នឹងសម្រេចក្រោយពិធីបុណ្យភ្ជុំបិណ្ឌ ចប់រួចរាល់។
Pak Chrissopher ធ្លាប់ជាប់ក្នុងបញ្ជីឈ្មោះរបស់ លោក ប៉ែន ផាត អតីតកីឡាករជម្រើសជាតិកម្ពុជានាទសវត្សរ៍ឆ្នាំ ៧០ កាលពីឆ្នាំ ២០១២ កន្លងទៅ ដែលកាលនោះលោក ផាត បានដឹកនាំក្រុមកូនខ្មែរនៅឯបរទេសមកប្រកួតមិត្តភាពជាមួយក្លិបធំៗ ក្នុងស្រុក។ ចំណែក Pak Viecheth វិញ នេះជាលើកដំបូងហើយ ដែលគាត់មកកម្ពុជាក្នុងនាមជាកីឡាករបាល់ទាត់។
ក្នុងជំនួបមិត្តភាពកម្ដៅសាច់ដុំជាមួយក្រុម U23 កម្ពុជា កាលពីថ្ងៃទី ២ តុលា ម្សិលមិញ Viecheth បានរកគ្រាប់បាល់ ១ គ្រាប់ឱ្យក្រុមប៉ូលិស ខណៈលទ្ធផលចាញ់ U23 ៤ – ១៕
Pak Viecheth
អត្ថបទ៖ ម៉ឺន រស្មី
0 comments:
Post a Comment