អ្នកដឹកនាំរយៈកាលដ៏យូរ និងមានសមត្ថភាពមួយរូបរបស់ក្រុមហ៊ុនផលិត ហ្គេមតុក្កតាស៊ីផ្សិត Nintendo លោក Hironshi Yamauchi បានស្លាប់កាលពីថ្ងៃព្រហស្បតិ៍ម្សិលមិញហើយ (ថ្ងៃទី ១៩ ខែកញ្ញា ឆ្នាំ២០១៣) នៅអាយុ ៨៥ឆ្នាំ ដោយសារជំងឺរលាកសួត។
Hiroshi Yamauchi អតីតប្រធាន Nintendo (លាលែងពីតំណែង ឆ្នាំ២០០២ ដោយសារសុខភាពមិនអំណោយផល)
តែនៅជាអ្នកមើលការខុសត្រូវក្រុមហ៊ុន
ក្រុមហ៊ុនផលិតឧបករណ៍ហ្គេម និងវីដេអូហ្គេមដែលមានចំណូលច្រើនជាងគេលើលោក Nintendo Co., Ltd. បានចេញសេចក្ដីថ្លែងការណ៍មួយថា ក្រុមហ៊ុន៖ “កើតទុក្ខយ៉ាងក្រៀមក្រំដោយសារបាត់បង់អតីតប្រធាន Nintendo លោក Hiroshi Yamauchi ដែលបានចែកឋានកាលពីព្រឹកមិញនេះ”។
លោក Yamauchi អ្នកដែលមានភាគហ៊ុនច្រើនជាងគេទី២ នៅ Nintendo បានជួយឱ្យក្រុមហ៊ុនមានការអភិវឌ្ឍន៍យ៉ាងខ្លាំង រហូតមានឈ្មោះបោះសំឡេង ត្រូវគេទទួលស្គាល់ជាក្រុមហ៊ុនផលិតផលឧបករណ៍ហ្កេម Game Console និងវីដេអូហ្គេមដ៏ល្បី អំឡុងវត្តមាន ៥៣ឆ្នាំដែលលោកខិតខំលើក្រុមហ៊ុន។ លោកមានគ្រួសារជាអ្នកស្ថាបនិក Nintendo ផ្ទាល់គឺជីតារបស់លោក Fusajiro Yamauchi ដែលបានបង្កើតក្រុមហ៊ុនតាំងពីឆ្នាំ ១៨៨៩។ សម័យកាលរយៈពេល ៥៣ឆ្នាំរបស់ Hironshi លោកបានកែប្រែក្រុមហ៊ុនឱ្យមានមុខមាត់យ៉ាងខ្លាំងពីក្រុមហ៊ុនត្រឹមតែផលិតហ្គេមបៀ ក្លាយជាក្រុមហ៊ុនផលិតផលវីដេអូហ្គេមដែលមានការទទួលស្គាល់ទូទាំងពិភពលោក។ ក្រោមការជួយជ្រោមជ្រែងពីលោក ក្រុមហ៊ុនសម្រេចបានហ្គេមដ៏ពេញនិយម និងមានការទទួលស្គាល់ លេងជុំវិញពិភពលោកគឺ តុក្កតាស៊ីផ្សិត (Super Mario) និងហ្គេម Donkey Kong។
គិតមកត្រឹមខែ មេសា ឆ្នាំ២០១៣ ទស្សនាវដ្ដី Forbes បានវាយតម្លៃចំណូលរបស់លោក Yamauchi មានរហូតដល់ ២,១ពាន់លានដុល្លារអាមេរិក ដែលចាត់ចូលក្នុងបញ្ជីអ្នកមានជាងគេនៅក្នុងប្រទេសជប៉ុនលំដាប់លេខ ១៣ ក្នុងឆ្នាំនេះ។
0 comments:
Post a Comment