ខ្សែបម្រើអន្តរជាតិជប៉ុន Shinji Kagawa អាចទទួលបានឱកាសចូលលេងឱ្យក្រុមបិសាចក្រហម Manchester United ក្នុងជំនួបសន្សំពិន្ទុ UEFA Champions Leageu ពូល A ទល់នឹង Bayer Leverkusen ម៉ោង១:៤៥នាទីរំលងអាធ្រាត្រនេះ បន្ទាប់ពីគេឃើញកីឡាកររូបនេះស្ថិតក្នុងចំណោមមិត្តរួមក្រុមដទៃទៀតក្នុងការហ្វឹកហាត់ត្រៀមម្សិលមិញ។
អត្ថបទ៖ Kagawa ឆ្ងល់ថាហេតុអី Moyes អត់ដាក់ឱ្យលេង?
កីឡាករដែលលោក Sir Alex Ferguson ទិញមកពី Borussia Dortmund ក្នុងតម្លៃ១៧លានផោនកាលពីខែមិថុនាឆ្នាំ២០១២ មិនដែលបានចូលលេងឱ្យក្រុមបិសាចក្រហមម្ដងណាឡើយតាំងពីក្រោយជ័យជម្នះ Community Shield លើ Wigan ខែមុនមកម្ល៉េះ។
ប៉ុន្តែក្នុងជំនួបទល់នឹងក្រុមមកពីអាល្លឺម៉ង់យប់នេះ ដែលជាការដឹកនាំលើកទី១របស់លោក David Moyes ក្នុងពានរង្វាន់ទ្វីបអឺរ៉ុបនៅ Old Trafford កីឡាករវ័យ២៤ឆ្នាំខាងលើទំនងជាបានចូលលេង។
អត្ថបទ៖ Kagawa មិនចេញពី Man Utd ទៅ Dortmund វិញទេ
ផ្ទុយទៅវិញ កីឡាករដែលគេអត់ឃើញមកហ្វឹកហាត់ម្សិលមិញមាន ខ្សែប្រយុទ្ធ Danny Welbeck (ឈឺជង្គង់) និងខ្សែការពារ Phil Jones (ឈឺកជើង) ខណៈខ្សែបម្រើវ័យ១៨ឆ្នាំ Adnan Januzaj មិនត្រូវបានលោក Moyes បញ្ចូលឈ្មោះក្នុងបញ្ជីដែលត្រូវលេងយប់នេះឡើយ។
ការប្រកួតរវាង Man Utd និង Leverkusen នេះនឹងមានផ្សាយបន្តផ្ទាល់លើទូរទស្សន៍ហង្សមាស៕
ប្រែសម្រួល៖ យ៉ុង ម៉ុងហាក់
ប្រភព៖ eurosports, រូបថត៖ foxsportsasia
0 comments:
Post a Comment