ក្រុមហង្សក្រហម Liverpool នឹងបាត់បង់ខ្សែបម្រើសំខាន់ Philippe Coutinho រហូតដល់ចុងខែតុលា ដោយសារកីឡាករអន្តរជាតិប្រេស៊ីលវ័យ២១ឆ្នាំរូបនេះត្រូវទទួលការវះកាត់ព្យាបាលរបួសស្មាដែលបានកើតឡើងក្នុងជំនួប Premier League ទល់នឹង Swansea កាលពីថ្ងៃចន្ទ។
អតីតយុវជនរបស់ក្លិប Vasco da Gama នេះត្រូវប្ដូរចេញនៅនាទីទី៥៥ក្នុងជំនួបដែលស្មើគ្នា២-២នៅកីឡដ្ឋាន Liberty Stadium បន្ទាប់ពីធ្លាក់ទាំងគ្មានជំហរក្រោយជែងយកបាល់ជាមួយខ្សែការពារ Ashley Williams របស់ Swansea។
បន្ទាប់ពីត្រូវបានពិនិត្យដោយក្រុមគ្រូពេទ្យរបស់ក្រុមហង្សក្រហមរួច លទ្ធផលបង្ហាញថាកីឡាករដែលផ្ទេរមកពី Inter Milan ក្នុងតម្លៃប្រហែល១៤លានដុល្លារកាលពីដើមឆ្នាំ២០១៣ ត្រូវវះកាត់ដើម្បីព្យាបាលគន្លាក់ AC នៃស្មារបស់គេ។
ក្រុមជើងឯកលីកកំពូលអង់គ្លេស១៨សម័យរំពឹងថាកីឡាកររូបនេះនឹងចូលលេងបានវិញនៅចុងខែតុលា៕
ប្រែសម្រួល៖ យ៉ុង ម៉ុងហាក់
ប្រភព៖ liverpoolfc, រូបថត៖ espn
0 comments:
Post a Comment