ការប្រកួតប្រដាល់ជ្រើសរើសជើងឯកជាតិប្រចាំឆ្នាំ២០១៣នៅមិនទាន់ដឹងច្បាស់លាស់ថាកំណត់ធ្វើពេលណានៅឡើយ បន្ទាប់ពីប្រកាសលើកពេលថ្មីៗនេះ។
ការប្រកួតប្រដាល់ជើងជាតិប្រចាំឆ្នាំ២០១៣ រៀបចំដោយក្រសួងអប់រំ យុវជន និងកីឡាគ្រោងចាប់ថ្លឹងគីឡូកាលថ្ងៃទី១៧កញ្ញាម្សិលមិញម្ង៉ៃម៉្លេះ តែត្រូវបានលើកពេលយ៉ាងតក់ក្រហល់។ លោក ម៉ិល កាដូ អគ្គលេខាធិការសហព័ន្ធកីឡាប្រដាល់កម្ពុជាថា ការលើកពេលនោះគឺដោយសារ រៀបចំមិនទាន់ ហើយថាការកំណត់កាលបរិច្ឆេទជាថ្មីសម្រាប់កម្មវិធីដ៏ធំមួយនេះ នៅមិនទាន់ដឹងថាពេលណានៅឡើយ។ “យើងនៅរង់ចាំការសម្រេចឡើងវិញពីឯកឧត្ដមប្រធានសហព័ន្ធថានឹងធ្វើឡើងនៅពេលណា”។ លោក ម៉ិល កាដូ បញ្ជាក់បន្ថែម។
អត្ថបទពាក់ព័ន្ធសូមអាន៖ ដឹងអ្វីខ្លះជុំវិញអ្នកប្រដាល់ល្បី កែវ រំចង់ ?
ព័ត៌មានថាប្រកួតប្រដាល់ជើងឯកជាតិឆ្នាំនេះមិនប្លែកពីឆ្នាំមុនទេ។ ការប្រកួតមាន២វិញ្ញាសាគឺ សេរី និង សកល ដោយត្រូវបែងចែកជា២ក្របខ័ណ្ឌដូចគ្នាគឺ ក១ និង ក២។
ឯកឧត្ដម តែម ម៉ឺន ប្រធានសហព័ន្ធកីឡាប្រដាល់កម្ពុជាមានប្រាសន៍ថាមិនទាន់កំណាត់ពេលវេលារៀបចំឡើងវិញនៅឡើយ តែអាចនឹងធ្វើឡើងក្រោយការប្រលងឌីប្លូមចប់។
ក្រុមអ្នកទស្សនាការប្រកួតប្រដាល់កន្លងមក
ដោយឡែក ស៊ីហ្គេមលើកទី ២៧នៅមីយ៉ាន់ម៉ា ចុងឆ្នាំនេះកម្ពុជានឹងបញ្ជូនអ្នកប្រដាល់សកល ៦រូបទៅប្រជែងមេដាយ។ កីឡាករឆ្នើមទាំង៦រូបរួមមាន ពេជ្រ ម្ទេសខ្មាំង, ឡុង ឡាំដា, ផល សោភ័ណ្ឌ, ស្វាយ រដ្ឋា, ឈឿង ពិសី និង វ៉ន វីវ៉ា ខណៈដែលប្រដាល់សេរីមិនបញ្ជូនទៅ ប្រកួតទេ ដោយសារការប្រើប្រាស់ឈ្មោះក្នុងការប្រកួតថា Mauy ដែលអ្នកជំនាញចាត់ទុកថានឹងអាចធ្វើឲ្យបាត់បង់អត្តសញ្ញាណ ក្បាច់គុនបុរាណខ្មែរ ប្រសិនបើមានៈចូលរួមទាំងប្រើឈ្មោះដែលមានទំនោរទៅរក ក្បាច់គុនរបស់ថៃ និងឡាវ បែបនេះ៕
អត្ថបទ៖ ប៉ែន សុផាន់ណា
0 comments:
Post a Comment