ការកំណត់លទ្ធផលទុកមុន (match-fixing) ឬនិយាយឲ្យស្រួលស្ដាប់ថា ការលេងលក់គ្រាប់ នៅតែជាមេរោគបំពុលពិភពបាល់ទាត់សម័យទំនើបនេះដដែល។ ដោយសារតែបែបនេះហើយទើបអតីតប្រធានផ្នែកសន្តិសុខរបស់សហព័ន្ធកីឡាបាល់ទាត់អន្តរជាតិ FIFA លោក Chis Eaton ដែលធ្លាប់ធ្វើការពាក់ព័ន្ធនឹងការបំបាត់អំពើពុករលួយក្នុងបាល់ទាត់ បានលើកឡើងជាថ្មីថា បាល់ទាត់ត្រូវការស្ថាប័នសកលមួយដើម្បីដោះស្រាយបញ្ហាកំណត់លទ្ធផលទុកមុន ព្រោះវាកាន់តែធ្ងន់ធ្ងរហើយ។
រូប តំណាង
តាមពិតទៅលោក Eaton ធ្លាប់លើកយកប្រធានបទនេះមកនិយាយច្រើនលើកច្រើនសារមកហើយ ប៉ុន្តែការចេញមុខជាថ្មីនេះ គឺក្រោយពីមានព័ត៌មានស្ដីពីការចាប់ខ្លួនមនុស្ស១៤នាក់នៅប្រទេសសិង្ហបុរីកាលពីថ្មីៗនេះ ទាក់ទងនឹង match-fixing។
អត្ថបទពាក់ព័ន្ធ៖ ដល់ក! បើកឲ្យស៊ីមែន បាល់ទាត់សោះស៊ីដល់ ៧៩-០ និង ៦៧-០?
បុរសសញ្ជាតិអូស្រ្ដាលីរូបនេះបានឲ្យដឹងថា ការបង្កើតស្ថាប័នស៊ើបអង្កេតជាសាកលដែលមានលក្ខណៈជាប្រព័ន្ធមួយ នឹងអាចជួយចែករំលែកព័ត៌មាន និងដោះស្រាយស្ថានការណ៍បានឆាប់រហ័ស។ លោកបាននិយាយប្រាប់ BBC Sport ថា ៖ “បាល់ទាត់កំពុងជួបវិបត្តិ ជាពិសេសគឺនៅក្នុងលីកលំដាប់ក្រោមៗ។ មិនមានន័យថា វាតែងតែកើតឡើងនៅលីកលំដាប់ក្រោមនោះទេ តែវាក៏បានកើតឡើងក្នុងការប្រកួតមិត្តភាពអន្តរជាតិ ឬប្រកួតពានរង្វានធំៗនោះដែរ។
ក្រៅពីការចាប់ខ្លួននៅសិង្ហបុរី នៅផ្នែកផ្សេងទៀតនៃពិភពលោកក៏ធ្លាប់ចាត់វិធានការក្ដៅចំពោះបញ្ហានេះដែរ ដូចជាចិន និងអូស្រ្ដាលីជាដើម។ កាលពីខែកុម្ភៈ ទីភ្នាក់ងារប៉ូលិសរបស់អឺរ៉ុប Europol បានរកឃើញថា ការប្រកួតជាច្រើនរយប្រកួតនៅទូទាំងពិភពលោកគឺជាការប្រកួតដែលកំណត់លទ្ធផលទុកមុន ដែលក្នុងនោះមានទាំងនៅ Champions League និងវគ្គជម្រុះ World Cup ផងដែរ៕
សម្រាប់ប្រិយមិត្តវិញមានអ្វីនិយាយទាក់ទងនឹងរឿងដ៏ស្មោកគ្រោកក្នុងបាល់ទាត់នេះ?
អត្ថបទពាក់ព័ន្ធ៖ UEFA ដាក់បម្រាមក្លិបរបស់ទួរគី២ ពីបទរៀបចំលទ្ធផល
ប្រែសម្រួល៖ សុខ សុវត្តិ
ប្រភព៖ BBC
0 comments:
Post a Comment