ក្រុមបាល់ទះស្រី្ដជម្រើសជាតិថៃបានក្លាយជាម្ចាស់ជើងឯកពានរង្វាន់ 17th Asian Senior Women’s Volleyball Championship 2013 ក្រោយបំបាក់ក្រុមជើងឯករងឆ្នាំចាស់ ជប៉ុន ៣ សិត ជាប់ៗ គ្នា ពោលគឺឈ្នះ ២៥ – ២២, ២៥ – ១៨ និង ២៥ – ១៧ កាលពីចុងសប្ដាហ៍កន្លងទៅ ស្របពេលដែលខ្លួនទទួលកាតព្វកិច្ចជាម្ចាស់ផ្ទះ។
ចប់ការប្រកួតលោក Kiattipong Radchatagriengkai គ្រូបង្វឹកក្រុមជើងឯក២សម័យខាងលើបានលើកឡើងថា៖ “គ្រប់ការប្រកួតរបស់យើងសុទ្ធតែស្វិតស្វាញ។ ប៉ុន្តែកីឡាការិនីខ្ញុំធ្វើបានល្អ។ ពួកយើងបានសិក្សាពីបរាជ័យដំបូងនៅថ្ងៃបើកឆាកពេលប៉ះ កាហ្សាក់ស្ថាន យកមកកែតម្រូវកំហុស។ ខ្ញុំគិតថាក្រុមយើងជាក្រុមខ្លាំងមួយព្រោះចាញ់តែមួយប្រកួតដំបូងប៉ុណ្ណោះ តែក្រោយមកបន្តឈ្នះរហូតលើកពានតែម្ដង”។
លទ្ធផលឆ្នាំ២០១៣ | |
ជើងឯក | ថៃ |
ជើងឯករង | ជប៉ុន |
លេខ ៣ | កូរ៉េខាងត្បូង |
Most Valuable Player | Wilawan Apinyapong (ថៃ) |
Best Scorer | Kim Yeon-Koung (កូរ៉េខាងត្បូង) |
Best Spiker | Zhu Ting (ចិន) |
Best Blocker | Xu Yunli (ចិន) |
Best Server | Kim Yeon-Koung (កូរ៉េខាងត្បូង) |
Best Setter | Nootsara Tomkom (ថៃ) |
Best Libero | Kim Hae-Ran (កូរ៉េខាងត្បូង) |
ពានរង្វាន់បាល់ទះស្រី្ដប្រចាំទ្វីបអាស៊ីមួយនេះបង្កើតឡើងតាំងពីឆ្នាំ ១៩៧៥ និង ប្រារព្វឡើងរៀងរាល់ ២ ឆ្នាំម្ដង ស្របពេលដែលប្រទេសចិនឈ្នះមេដាយមាសច្រើនជាងគេ គឺ ១២ ដង ខណៈ ជប៉ុនឈ្នះ ៣ ដង និង ថៃ ២ ដង។ នៅឆ្នាំ ២០១៣ នេះរៀបចំឡើងនៅខេត្ត Nakhon Ratchasima ប្រទេសថៃ ចាប់ពីថ្ងៃទី ១៣ ដល់ ២១ កញ្ញា ឆ្នាំ ២០១៣ ថ្មីៗ នេះ ដោយមានក្រុមចូលរួមចំនួន ១៦ ក្រុម និង បែងចែកជា ៤ ពូលខុសៗគ្នា។
0 comments:
Post a Comment