ជំងឺរលាកពោះវៀនអាចប៉ះពាល់ដល់ជីវិតផ្លូវភេទខ្ញុំទេ?
វាពិតជាអាច។ ស្ត្រីដែលមានជំងឺរលាកពោះវៀនមួយចំនួនទទួលរងនូវការឈឺចាប់ ឬមិនស្រួលក្នុងខ្លួនពេលរួមភេទ។ រឿងនេះអាចបណ្តាលមកពីជំងឺខ្លួនឯង, ការវះកាត់ និងបញ្ហាផ្លូវភេទដែលទាក់ទងនឹងជំងឺ។ ស្ត្រីដែលមានជំងឺរលាកពោះវៀនប្រហែលជាមានបញ្ហាដូចខាងក្រោមនេះក្នុងពេលរួមភេទ៖
- ឈឺពោះ
- ឈឺនៅចន្លោះទ្វារមាស និងរន្ធគូថ
- ឈឺក្នុងរន្ធគូថ
- មានអារម្មណ៍ថាពួកគេចង់បន្ទោរបង់
- អាម៉ាសមុខ
- ខ្លាចការលេចផោម ឬលាមក
ចំពោះស្ត្រីដែលមានជំងឺពោះវៀនប្រភេទ Crohn’s Disease វិញ ការរួមភេទប្រកបដោយភាពឈឺចាប់ខ្លាំងច្រើនតែជាសញ្ញានៃជំងឺបូសអន្ទង់ ឬកកខ្ទុះក្នុងទ្វារមាស ឬជំងឺនោះកើតឡើងលើតំបន់ចន្លោះរន្ធគូថ និងទ្វារមាសតែម្តង។ ស្ត្រីមានជំងឺពោះវៀនធំប្រភេទ Ulcerative Colitis ភាគច្រើនមានជីវិតផ្លូវភេទធម្មតា។ ប៉ុន្តែក្រោយវះកាត់រួច បញ្ហាផ្លូវភេទគឺជាបញ្ហាកើតឡើងជាញឹកញាប់សម្រាប់មនុស្សស្រីទាំងជំងឺ Crohn’s Disease និង Ulcerative Colitis។
បញ្ហាផ្លូវចិត្តដែលបណ្តាលមកពីជំងឺរលាកពោះវៀនក៏អាចរំខានដល់ជីវិតផ្លូវភេទស្ត្រីបានដែរ។ ស្ត្រីដែលមានជំងឺបែបនេះមិនសូវជាមានទំនុកចិត្តទៅលើរាងកាយរបស់ពួកគេជាងស្ត្រីផ្សេងៗទៀតឡើយ។ ការសិក្សាបានអោយដឹងថា ស្ត្រីដែលមានជំងឺរលាកពោះវៀន ហើយមានទំនាក់ទំនងស្នេហានឹងនរមិនសូវឧស្សាហ៍រួមភេទញឹកញាប់ឡើយ។
ទោះបីជាវាប្រហែលជារឿងគួរអោយអាម៉ាសក៏ដោយ ក៏វាគឺជារឿងសំខាន់ដែលត្រូវនិយាយប្រាប់គ្រូពេទ្យអោយដឹងដែរបើសិនជាអ្នកកំពុងតែមានបញ្ហាខាងផ្លូវភេទ។ គ្រូពេទ្យអាចណែនាំនូវគន្លឹះមានប្រយោជន៍ជាច្រើនដែលនឹងជួយអោយអ្នកទទួលបានជីវិតផ្លូវភេទដ៏មានសុខភាពល្អឡើងវិញ។ ឧទាហរណ៍ អ្នកឯកទេសមួយចំនួនណែនាំថា ស្ត្រីគួរតែប្រើថ្នាំសុលតាមរន្ធគូថក្រោយពីរួមភេទរួច។ ជាមួយគ្នានេះដែរ ស្ត្រីដែលមានចោះបំពង់បង្ហូរលាមកមកខាងក្រៅ និងមានបង់បិទខាងក្រៅដែរនោះ ប្រហែលជាត្រូវបង្ហូរវាចេញអោយអស់ដើម្បីអាចធ្វើទំនាក់ទំនងផ្លូវភេទបានទៀត។ ពេលខ្លះ ពួកគេអាចរកអ្វីមកបិទបាំងបង់បិតនោះកុំអោយមើលឃើញ, មានទំនុកចិត្តឡើងវិញ និងទាក់ទាញកាន់តែខ្លាំងក្នុងពេលរួមភេទ។
ការរួមភេទដែលមានការឈឺចាប់ខ្លាំងក្លាប្រហែលជាសញ្ញាមួយដែលជំងឺរបស់អ្នកកំពុងតែធ្ងន់ធ្ងរ។ ដូច្នេះយកល្អគួរតែពិគ្រោះជាមួយគ្រូពេទ្យអំពីបញ្ហាផ្លូវភេទនេះទៅ។ គ្រូពេទ្យក៏ប្រហែលជាអាចផ្លាស់ប្តូរកម្មវិធីព្យាបាលដើម្បីអោយអ្នកមានអារម្មណ៍ល្អជាងមុន និងជួយជីវិតផ្លូវភេទវិញបាន៕
0 comments:
Post a Comment