ថ្មីៗនេះ មានគេហទំព័រព័ត៌មានបច្ចេកវិទ្យាបរទេសជាច្រើនបានចុះផ្សាយថា ហ្គេមសង្គ្រាមរវាងដើមផ្កា និងខ្មោចបិសាច Zombie វគ្គ 2 នឹងត្រូវពន្យារថ្ងៃសម្រាប់ការដាក់ឲ្យកម្សាន្តនៅលើប្រព័ន្ធប្រតិបត្តិការ Android។
អានអត្ថបទ៖ សង្គ្រាមរវាងដើមផ្កា និងខ្មោចកាន់តែជក់ចិត្តនឹងការងើបបះបោររបស់ផ្កា
ហ្គេមដ៏មានប្រជាប្រិយភាពខ្លាំងនៅក្នុងពិភពលោក Plant vs Zombies 2 នេះត្រូវបានបើកដំណើរការដំបូងគេនៅលើប្រព័ន្ធប្រតិបត្តិការ iOS បន្ទាប់មកទើបបង្ហាញវត្តមានក្នុងប្រតិបត្តិការ Android ក្នុងប្រទេសចិន ខណៈដែលប្រព័ន្ធប្រតិបត្តិការ Android សម្រាប់ប្រទេសផ្សេងទៀតគ្មានបញ្ចេញដំណឹងអ្វីសោះ។
អានអត្ថបទ៖ សង្គ្រាមដើមផ្កានិងខ្មោចលើកទី២ ចាប់ផ្ទុះឡើងទៀតហើយ!
ជុំវិញបញ្ហានេះក៏មានពាក្យចចាមអារ៉ាមលើកឡើងដែរថា ការពន្យារពេលដាក់ឱ្យលេង Plants vs Zombies 2 នេះគឺប្រហែលមកពីក្រុមហ៊ុន Apple បានហុចលុយក្រោមតុលួចលាក់ទៅឲ្យក្រុមហ៊ុន EA (Electronic Arts)។
“ក្រុមហ៊ុន Apple បានជូនលុយឲ្យយើងយ៉ាងច្រើន ដើម្បីឲ្យយើងពន្យារនៃការដាក់បញ្ចូលហ្គេមសង្គ្រាមរវាងដើមផ្កា និងខ្មោច Zombies វគ្គ 2 ទៅក្នុងប្រព័ន្ធប្រតិបត្តិការ Android។” នេះជាការលើកឡើងរបស់ប្រធានក្រុមហ៊ុន EA លោក Labels Frank Gibeau នៅក្នុងកិច្ចប្រជុំសម្ងាត់មួយនៅថ្ងៃនេះ។ ដោយឡែកសម្រាប់ក្រុមហ៊ុន Apple មិនបានទទួលស្គាល់ពាក្យចចាមអារ៉ាមនេះថាគឺជាការពិតឡើយ។
អានអត្ថបទ៖ បិសាច Zombie ប៉ងសម្លាប់តុក្កតាស៊ីផ្សិត លទ្ធផលទៅជាយ៉ាងណា?
ហ្គេមសង្គ្រាមរវាងដើមផ្កា និងខ្មោច Zombies វគ្គ 2 របស់ប្រព័ន្ធប្រតិបត្តិការ Android ត្រូវបានគេរំពឹងថា នឹងដាក់ឲ្យកម្សាន្តនៅថ្ងៃណាមួយក្នុងខែក្រោយ ប៉ុន្តែក្រុមហ៊ុន EA មិនទាន់បានកំណត់ថ្ងៃពិតប្រាកដឡើយ។
តើប្រិយមិត្តគិតយ៉ាងណាដែរចំពោះពាក្យចចាមអារ៉ាមខាងលើ? Apple ពិតជាបានសូកលុយដល់ក្រុមហ៊ុន EA មែនឬ?
ប្រែសម្រួល៖ ភីឆាយ
ប្រភព៖ Geeky-Gadgets
0 comments:
Post a Comment