បន្ទប់ពី Nokia បានបង្ហើបព្រឹត្តិការណ៍ Nokia World ថ្ងៃទី២២ តុលានៅលើបណ្ដាញទំនាក់ទំនងសង្គម Twitter រួចមក ស្រាប់តែថ្ងៃនេះមានសេចក្ដីរាយការណ៍ថ្មីចេញពីគេហទំព័រ theverge មកថា Nokia នឹងបញ្ចេញ Device ថ្មីៗចំនួន ៦ ដែលរួមមានវត្តមាន Phable Windows Phone 8 ដំបូងគឺ Lumia 1520 និង Tablet Windows RT ឈ្មោះ Lumia 2520 នៅក្នុងនោះ។
អាន៖ Nokia ប្រកាសធ្វើព្រឹត្តិការណ៍ពិសេសខែតុលា អាចជាថ្ងៃ Lumia 1520 លាតត្រដាង
អាន៖ Lumia 1520 កាន់តែច្បាស់ហើយ គឺមានអេក្រង់ធំជាង Lumia 1020
ជារឿងពិសេសមិនធ្លាប់មានសម្រាប់ Nokia ប្រសិនបើក្រុមហ៊ុនទូរសព្ទដែលមានមូលដ្ឋាននៅប្រទេសហ្វាំងឡង់មួយនេះ បញ្ចេញ Phablet ដំបូងប្រើ Windows Phone 8។ Phablet ដែលស្ថិតក្នុងត្រកូល Lumia ត្រូវគេរំពឹងថា នឹងបំពាក់ quad-core Snapdragon 800 SoC (មិនបញ្ជាក់ល្បឿន) អេក្រង់ full HD ទំហំ ៦អ៊ីញ (1080px), RAM ទំហំ 2GB, Memory ម៉ាស៊ីនទំហំ 32GB (អាចបន្ថែម microSD) និងដំណើរការដោយប្រព័ន្ធប្រតិបត្តិការ Windows Phone 8 GDR3។ ចំណែកកាមេរ៉ា តាមប្រភពលើកនេះបានឱ្យដឹងថា នឹងមានទំហំ 20MP បច្ចេកវិទ្យា PureView camera, Optical Image Stabilization និង Carl Zeiss lens។
រូបដែលល្បីជា Phablet Lumia 1520
រូបដែលល្បីជា Tablet Lumia 2520
មិនតែប៉ុណ្ណោះនៅមាន Tablet Nokia ទៀតដែលល្បីថាមានឈ្មោះ Lumia 2520 ដំណើរការដោយ Windows RT Sirius។ គេហទំព័រ Theverge ក៏បានទម្លាយព័ត៌មានពីប្រភពអះអាងជុំវិញរឿងនេះបន្តទៀតថា Nokia គ្រោងចេញផលិតផលថ្មីអេក្រង់ធំៗ ដែលសុទ្ធតែដំណើរការដោយ Windows Phone។ ដូច្នេះ រង់ចាំអ៊ុតមើលទាំងអស់គ្នាទៅមើលថា តើ device ថ្មីទាំង ៦ មានអ្វីខ្លះ?យើងខ្ញុំនឹងផ្សាយជូនដំណឹងជាបន្តទៀត ប្រសិនមានព័ត៌មានបន្ថែម។
អាន៖ បើ Microsoft មិនទិញទេ Nokia ប្រាកដជាងាកទៅរក Android OS បាត់
ចុចត្រង់នេះ ដើម្បីតាមដានព័ត៌មានពី Nokia …
0 comments:
Post a Comment