ឆេះអគាររោងជាង ស៊ីម៉ាក់ ខេត្តបាត់ដំបង បំផ្លាញរថយន្ត និងកុំព្យូទ័រអស់ ជាច្រើនគ្រឿង
Breaking News
Loading...
Thursday, January 23, 2014
បាត់ដំបង៖ ទុស្សេខ្សែភ្លើងបង្កជាគ្រោះអគ្គិភ័យ ក្នុងរោងជាងទីបញ្ជាការដ្ឋានកងឯកភាព កម្ចាត់មីនទី២បាត់ដំបង បណ្តាលឲ្យរថយន្តមួយគ្រឿង កុំព្យូទ័រ ឯកសារ និងសម្ភារៈជាច្រើនផ្សេងទៀត ឆេះអស់ទាំងស្រុងនាវេលាម៉ោង ៦ព្រឹកថ្ងៃទី២៣ ខែមករា ឆ្នាំ២០១៤ ស្ថិតនៅភូមិអណ្តូងចេញ សង្កាត់អូរចា ក្រុងបាត់ដំបង ខេត្តបាត់ដំបង។
យោងតាមសេចក្តីរាយការណ៍ ពីអ្នកយកព័ត៌មានមជ្ឈមណ្ឌលព័ត៌មាន ដើមអម្ពិលប្រចាំខេត្តបាត់ដំបង បានឲ្យដឹង ថា ក្រោយការអន្តរាគមន៍ដ៏សស្រាក់សស្រាំរបស់មន្រ្តីពន្លត់អគ្គិភ័យខេត្តបាត់ដំបង គ្រោះអគ្គិភ័យ ត្រូវបានពន្លត់ ឲ្យរលត់ទៅវិញទាំងស្រុងនៅវេលាម៉ោង ៨ព្រឹកថ្ងៃដដែល។
បើតាមសមត្ថកិច្ច បានបញ្ជាក់ថា ប្រតិបត្តិការពន្លត់អគ្គិភ័យនេះ សមត្ថកិច្ចប្រើទឹកអស់ចំនួន ៦រថយន្ត។ សមត្ថកិច្ច ក៏បានបញ្ជាក់ផងដែរ ការឆាប់ឆេះបំផ្លាញទ្រព្យសម្បត្តិរបស់អង្គភាពកម្ចាត់មីនក្នុងខេត្តបាត់ដំបងនេះ បណ្តាលមក ពីទុស្សេខ្សែភ្លើងចេញពីបន្ទប់ធ្វើការក្នុងរោងជាងជួសជុលរថយន្ត។
ទំហំ នៃការខូចខាតក្នុងគ្រោះអគ្គិភ័យនេះ រួមមានកុំព្យូទ័រចំនួន ៨គ្រឿង រថយន្តមួយគ្រឿង ឯកសារ និងសម្ភារៈ មួយចំនួនធំទៀត ត្រូវបានឆេះបំផ្លាញអស់ទាំងស្រុង។ នេះបើយោងតាមលទ្ធផលបឋម ដែលបញ្ជាក់ដោយសមត្ថ កិច្ច។
សមត្ថកិច្ច ក៏បានបញ្ជាក់ផងដែរថា រថយន្តចំនួន ៣គ្រឿងផ្សេងទៀត ក៏ត្រូវបានភ្លើងឆេះរោលខូចខាតបន្តិចបន្តួច ផងដែរ៕
Subscribe to:
Post Comments (Atom)
0 comments:
Post a Comment