ប្រវត្តិស្នេហ៍ពិតរបស់ Yu Hong (វីដេអូ)
នេះជារឿងរ៉ាវពិតមួយរបស់ស្រ្តីម្នាក់ដែលមានឈ្មោះថា យូ ហុង ជានិស្សិតនៃសាកលវិទ្យាល័យសិល្បៈនៃទីក្រុងបេកាំងប្រទេសចិន កាលពីក្នុងកំឡុងឆ្នាំ ១៩៨០ នាគ្រាដែលនិស្សិតចិនជាច្រើនងើបតវ៉ាប្រឆាំងរដ្ឋផ្តាច់ការចិន។
រឿងនេះមានចំណងជើងថា «The Summer Palace» ត្រូវបានថត និងចាក់បញ្ចាំងតាំងពីឆ្នាំ២០០៦ តែបានក្លាយជាភាពយន្តមួយប្រកបដោយគំនិតសុទិដ្ឋិនិយមសម្រាប់នារីសម័យថ្មី។
វាគឺជារឿងពិតមួយដែលត្រូវបានដកស្រង់ចេញពី សៀវភៅកំណត់ហេតុរបស់ នារីម្នាក់ឈ្មោះ យូ ហុង ជានិស្សិតអាហាររូបករណ៌ មកពីតំបន់ព្រំដែន ខេត្តទូមិនប្រទេសចិន មករៀននៅ fictional Beiqing University។ យូ ហុង បានជួបនិង លីទី ជាមិត្តជិតស្និទ្ធឹទីមួយ សម្រាប់ជីវិតជានិស្សិតនៅទីក្រុង។ ក្រោយមកបានជួបនិង ស៊ូ វេ ដែលជាមិត្តប្រុសម្នាក់ដែលស្រលាញ់ជំនាញរបស់នាង ហើយគេបានសាងស្នេហានិងគ្នា។
មុនពេលចាកចេញពីខេត្ត ទូមិន យូ ហុង បានមានមិត្តប្រុសម្នាក់រួចទៅហើយ ហើយក៏បានសន្យាថា និងរៀបការនឹងគ្នាទៀតផង តែនៅទីបំផុត ស្ថានភាពសង្គម បានធ្វើឲ្យអ្នកទាំងពីយល់ច្បាស់ពីតម្រូវការពិតប្រាកដ។
យូ ហុង ជានារីម្នាក់ដែល មានមិត្តប្រុសមិនតិចជាង៣នាក់ មានទាំងក្មេង មានទាំងចាស់ តែមិត្តប្រុសម្នាក់ណា ក៏មិនអាចបំភ្លេចនាងបានដែរ ព្រោះ យូ ហុង តែងផ្តល់នូវភាពកក់ក្តៅពិតប្រាកដមួយឲ្យបុរសជាសង្សារ បើទោះជាចិត្តនាងមិនទទួលយកគេក៏ដោយ នេះបើតាមកំណត់ហេតុរបស់នាង។
ទោះជាក្នុងសាច់រឿងនេះ បានលាយបញ្ចូលដោយឈុតឆាក រោលរាលមួយចំនួន តែវាគឺជារឿងពិតប្រាកដរបស់ យូ ហុង ហើយជាអ្វីដែលនាងបានអនុញ្ញាតិ។
ប្រភពពី៖ www.neavea.com
0 comments:
Post a Comment