ប៉េតង់ ប្រភេទកីឡាដែលកម្ពុជាតែងតែយកបានមេដាយបានជារឿយៗពីអន្តរជាតិនឹងចាប់ផ្ដើមប្រកួតថ្ងៃនេះចាប់ពីម៉ោង៩ព្រឹកទៅក្នុងព្រឹត្តិការណ៍ ស៊ីហ្គេម ២០១៣នៅមីយ៉ាន់ម៉ា។
ពីរវិញ្ញាសាគឺ វាយគូ (Double) ផ្នែកបុរស និងវិញ្ញាសាវាយឯកត្តជន(Single)ផ្នែកនារីនឹងចាប់ជម្រុះនៅថ្ងៃនេះ។ នេះបើតាមគេហទំព័រផ្លូវការរបស់ ស៊ីហ្គេម២០១៣។
ប៉េតង់ ជាកីឡាដែលកម្ពុជាចាត់ទុកថាមានសក្ដានុពលក្នុងការយកមេដាយថ្នាក់តំបន់និងអន្តរជាតិ។ ក្រោយការដួលរលំរបបខ្មែរក្រហម ប៉េតង់ បានក្លាយខ្លួនជាកីឡាឆ្នើមដែលអាចនាំយកមេដាយមាសស៊ីហ្គេមឲ្យ កម្ពុជា មុនគេ ពោលគឺឈ្នះវិញ្ញាសាស្ត្រី២នាក់ទល់២នាក់ក្នុងការប្រកួតស៊ីហ្គេម២០០១នៅម៉ាឡេស៊ី និងនៅស៊ីហ្គេមលើកក្រោយមកទៀត ប៉េតង់ នៅតែបន្តភាពខ្លាំងឲ្យកម្ពុជា។
ស៊ីហ្គេម ឆ្នាំនេះកម្ពុជាបានបញ្ជូនកីឡាករប៉េតង់ចំនួន១២នាក់និងកីឡាការិនី១២នាក់ទៅប្រជែងមេដាយ ខណៈដែលកាលស៊ីហ្គេម២០១១ ប៉េតង់ យកបានមេដាយ មាស១ ប្រាក់១ និងសំរឹទ្ធ២ មកវិញ៕
អត្ថបទពាក់ព័ន្ធសូមអាន៖ ដឹងទេថាប៉េតង់ខ្មែរខ្លាំងប៉ុណ្ណា?
អត្ថបទ៖ ប៉ែន សុផាន់ណា
0 comments:
Post a Comment