Justin Bieber នឹងចូលនិវត្តន៍នៅសប្ដាហ៍ក្រោយ
តារាចម្រៀងវ័យក្មេង Justin Bieber បាននិយាយថាខ្លួននឹងចូលនិវត្តន៍នៅសប្ដាហ៍ក្រោយ បន្ទាប់ចេញលក់ Album ថ្មី Journals។
គេឃើញថាប៉ុន្មានខែមកនេះតារាចម្រៀងវ័យ១៩ឆ្នាំ Justin មានរឿងអាស្រូវមិនចេះចប់មិនចេះហើយដូចជា ដេកជាមួយស្រីរកស៊ី យកស្រ្ពាយបាញ់ជញ្ជាំងនៅអូស្ត្រាលីជាដើម។ តើដោយសារតែហេតុនេះឬទើបគាត់ចង់ចូលនិវត្តន៍ពីឧស្សាហកម្មតន្ត្រី?
ទោះបីជាយ៉ាងណា Justin បាននិយាយថា លោកនឹងចូលនិវត្តន៍នៅសប្ដាហ៍ក្រោយ ដោយហេតុផលថាចង់យកពេលវេលាសម្រាកឱ្យបានយូរ។
“បន្ទាប់ពីចេញ albumថ្មី ខ្ញុំនឹងក្លាយជាបុរសចូលនិវត្តន៍។ ខ្ញុំនឹងចូលនិវត្តន៍”។ នេះជាការលើកឡើង Justin ទៅកាន់វិទ្យុ Power 106 ក្នុងរដ្ឋ Los Angeles កាលពីថ្ងៃអង្គារម្សិលមិញ។
បើតាមប្រភពជិតស្និទ្ធមួយបានឱ្យដឹងថា គាត់គ្រាន់តែនិយាយលេងប៉ុណ្ណោះ ហើយគ្មានបំណងចង់ឈប់ឡើយ។ ក្រោយមក Justin ថា “គេគ្រប់គ្នាគិតថា ខ្ញុំអួតអាងឬក្អេងក្អាង ប៉ុន្តែខ្ញុំមិនមែនជាមនុស្សបែបនឹងទេ។ ខ្ញុំជាមនុស្សយកចិត្តទុកដាក់ដល់មនុស្ស។ ខ្ញុំទើបមានអាយុ១៩ឆ្នាំប៉ុណ្ណោះ ហើយខ្ញុំពិតជាមានកំហុស ដែលមិនអាចជៀសបាន”។
ជុំវិញរឿងនេះ Justin ត្រូវបានមនុស្សជាច្រើនបាញ់ពាក្យសម្ដី និងស្ដីបន្ទោស យ៉ាងខ្លាំង និងថាជាមនុស្សក្អេងក្អាងនិយាយអ្វីមិនចេះគិត៕
ដោយ nob70
ប្រភព៖ lollipop
0 comments:
Post a Comment