ខណៈដែល iPhone 5S កំពុងវាយលុកបណ្ដាទីផ្សារជុំវិញពិភពលោក ឯចចាមអារ៉ាមជុំវិញ Smartphone ជំនាន់ថ្មីរបស់ Apple មួយទៀតគឺ iPhone 6 ល្បីឥតដាច់។ យោងតាមគេហទំព័រ yahoo ថ្មីៗនេះ បានចុះផ្សាយថា iPhone 6 នឹងភ្ជាប់មុខងារថ្មីយ៉ាងទំនើបគឺ Eye-ID retina scan សម្រាប់ស្កេនភ្នែក ដើម្បី unlock ទូរសព្ទជំនួសមុខងារស្កេនម្រាមដៃដែលមាននៅលើ iPhone 5S សព្វថ្ងៃ។
អត្ថបទ៖ អនាគត iPhone Air និងiPhone 6C មានរូបរាងយ៉ាងណា?
គេហទំព័រ SET Solution ជឿជាក់ថាកំពូល Smartphone ជំនាន់ថ្មីនេះ នឹងកាន់តែមានសុវត្ថិភាពបំផុតមិនធ្លាប់មាននៅលើស៊េរី iPhone មុនៗ ព្រោះអ្នកប្រើអាច unlock ទូរសព្ទ log ចូលទៅ App Store គណនីធនាគារ និងសេវាកម្មផ្សេងទៀតបាន ដោយប្រើភ្នែកស្កេនជាមួយបច្ចេកវិទ្យា EYE ID scan។ មុខងារថ្មីនេះនឹងចូលមកជំនួស Touch ID sensor ដែលមាននៅលើ iPhone 5S សព្វថ្ងៃ។
យ៉ាងណាមិញ ពុំទាន់មានការអះអាងពី Apple នៅឡើយ តែចំពោះវីដេអូនិងរូបភាពគំរូ iPhone 6 វិញចេញបន្តកន្ទុយឥតដាច់សោះ។ ជាក់ស្ដែង វីដេអូខាងក្រោមនេះ នឹងបង្ហាញពីរូបរាងគំរូដែលសង្កេតឃើញ Home button តូចជាងមុន។
គួរបញ្ជាក់ថា កំពូលទូរសព្ទជំនាន់ថ្មីរបស់ Samsung ដែលមិនទាន់ចេញផ្លូវការនៅឡើយ Galaxy S5ក៏ត្រូវបានរំពឹងដែរថា នឹងបំពាក់បច្ចេកវិទ្យា Eye scanner៕
សូមចុចអាន៖ iPhone 6 និង Galaxy S5 កក្រើកឥតស្រាកតំណាលគ្នាម្ដង (មានវីដេអូ)
0 comments:
Post a Comment