ក្រុមអ្នកស្រាវជ្រាវបានទទួលជោគជ័យនៅក្នុងការផ្ដិតយកកោសិកាភ្នែករបស់សត្វកណ្ដុរពេញវ័យជាលើកដំបូង ដែលជាជំហានមួយឆ្ពោះទៅរកការបណ្ដុះជាលិកាថ្មីមួយដែលអាចព្យាបាលអ្នកពិការភ្នែកឲ្យមើលឃើញឡើងវិញបាន។
សូមចុចអាន៖រកឃើញថ្នាំគ្រាប់ពន្យាកំណើតសម្រាប់បុរស ការពារដៃគូមិនឲ្យមានផ្ទៃពោះ
តាមរយៈការផ្ដិតយកកោសិកាដើមរបស់អំប្រ៊ីយ៉ុង និងកោសិកាមិនទាន់ពេញវ័យនៅក្នុងភ្នែករបស់សត្វកណ្ដុរ ក្រុមអ្នកវិទ្យាសាស្ត្រមកពីសាកលវិទ្យាល័យ Cambridge បានបញ្ជាក់ថា ជាលិកាថ្មីដែលបណ្ដុះឡើងអាចផ្ដល់ជីវិតឡើងវិញដល់កោសិកាភ្នែកពិការដែលបាត់បង់ ឲ្យលូតលាស់ឡើង និងមានលទ្ធភាពមើលឃើញដូចមនុស្សដែលមានភ្នែកល្អធម្មតាវិញបាន។
យោងតាមប្រសាសន៍របស់លោក Keith Martin អ្នកដឹកនាំការស្រាវជ្រាវខាងលើបានបន្ថែមទៀតថា ចំណុចនេះអាចបញ្ជាក់ថា ការបាត់បង់កោសិកាសរសៃប្រសាទនៅក្នុងស្រទាប់ភ្នែក (របករ៉េទីន) របស់មនុស្ស គឺជាមូលហេតុដែលបង្កឲ្យមានជំងឺជាច្រើនហើយឈានទៅរកការពិការភ្នែកបាន។
របករ៉េទីន(ពណ៌ខៀវ) ដែលព័ទ្ធជុំវិញគ្រាប់ភ្នែកអាចធ្វើឲ្យមនុស្សពិការនៅពេលវាបាត់បង់
សូមចុចអាន៖អង់គ្លេស ដឹងពីអាយុស្លាប់របស់អ្នក ជឿអត់?
ដូច្នេះ ជំហានដំបូងដើម្បីអាចព្យាបាលអ្នកពិការភ្នែកឲ្យមើលឃើញឡើងវិញបាន លុះត្រាតែជួសជុល កោសិកានៅក្នុងរបករ៉េទីនជាមុនសិន តាមរយៈការបណ្តុះជាលិកាថ្មីមួយ ជំនួសឲ្យកោសិកាភ្នែកចាស់ដែលបាត់បង់ទៅ។ ដោយមានសុទិដ្ឋិនិយមខ្ពស់ក្នុងដំណាក់កាលធ្វើតេស្តនេះ ក្រុមអ្នកវិទ្យាសាស្ត្រទាំងនោះសង្ឃឹមយ៉ាងមុតមាំថា ការស្រាវជ្រាវនេះនឹងទទួលបានជោគជ័យនៅពេលអនាគតដ៏ខ្លី៕
0 comments:
Post a Comment