បើកម៉ូតូមិនប្រយ័ត្នជ្រុលទៅបុក ស្ត្រីជានិស្សិតឆ្នាំទី៤ សាលាឯកទេសកម្ពុជារបួសធ្ងន់ ២នាក់
រាជធានីភ្នំពេញ ៖ បុរសម្នាក់បើកម៉ូតូ បញ្ច្រាសទិសមិនប្រយ័ត្ន បានជ្រុលទៅបុកម៉ូតូ ១គ្រឿងទៀតចំពីមុខ យ៉ាងពេញទំហឹងកាលពីថ្ងៃទី១៨ ខែធ្នូ ឆ្នាំ២០១៣ នៅតាមបណ្ដោយ ផ្លូវជាតិលេខ៤ ក្នុងភូមិអូរឌឹម សង្កាត់ចោមចៅ ខណ្ឌពោធិ៍សែនជ័យ បណ្ដាលឱ្យរងរបួសធ្ងន់ស្រាល ៣នាក់ ត្រូវសាច់ញាតិ ដឹកយកនៅ គ្លីនិកឯកជនភ្លាមៗ ។
ជនរងគ្រោះមានឈ្មោះ ហុង សុជាតិ ភេទស្រី អាយុ ២២ឆ្នាំ ស្នាក់នៅផ្ទះជួល ភូមិទួលគោក សង្កាត់ទួលសង្កែ ខណ្ឌឫស្សីកែវ មានស្រុកកំណើត នៅខេត្ដព្រៃវែង បានរងរបួសធ្ងន់ និងអ្នករួមដំណើរម្នាក់ទៀតឈ្មោះ សុខ សោភា ភេទស្រី អាយុ ២០ឆ្នាំ ស្នាក់នៅផ្ទះជួលជាមួយគ្នា មានស្រុកកំណើតភូមិចំបក់ ឃុំវល្លិស ស្រុកសំរោង ខេត្ដកំពង់ស្ពឺ រងរបួសធ្ងន់។
ជនរងគ្រោះទាំង ២នាក់ជានិស្សិតឆ្នាំទី៤ នៃសាកលវិទ្យាល័យ ឯកទេសកម្ពុជា ធ្វើដំណើរដោយម៉ូតូម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ២០១១ ពាក់ស្លាកលេខកណ្ដាល 1B-5498 ។ ដោយឡែក អ្នកបើកបរម៉ូតូបង្កហេតុ មិនត្រូវបានគេស្គាល់ អត្ដសញ្ញាណឡើយ ជិះម៉ូតូម៉ាកហុងដា សេ១២៥ ស៊េរីឆ្នាំ២០០៦ ពាក់ស្លាកលេខ កណ្ដាល 1C-6926 ៕
ប្រភពពី៖ www.watphnom-news.com
0 comments:
Post a Comment