ការដុះសាច់លយចេញនៅក្នុងពោះវៀនធំ
.jpg)
ការដុះសាច់លយចេញនៅក្នុងពោះវៀនធំ (Colon Polyps)មូលហេតុរបស់វាភាគច្រើនមិនត្រូវបានគេសដឹងនោះទេប៉ុន្តែពួកវាកើតមានជាញឹកញាប់នៅលើមនុស្សពេញវ័យ។
ការដុះសាច់ដែលលយចេញនៅក្នុងពោះវៀនធំភាគច្រើនមិនមែនជាមហារីកឡើយ។ ប៉ុន្តែ ការលូតលាស់មួយចំនួនអាចក្លាយទៅជាជំងឺមហារីកពោះវៀនបាន ។ ប្រសិនបើការដុះសាច់គឺជា ប្រភេទដែលអាចក្លាយទៅជាជំងឺមហារីកបាន ជាធម្មតាវាត្រូវចំណាយពេលជាច្រើនឆ្នាំទើប កើតឡើងទៅបាន ។
អ្នកអាចមានការដុះសាច់លយនៅក្នុងពោះវៀនធំដោយមិនមានរោគសញ្ញាអ្វីឡើយ។ ជាធម្មតា ពួកវាត្រូវបានរកឃើញក្នុងអំឡុងពេលនៃការធ្វើតេស្តត្រួយពិនិត្យសុខភាពដើម្បីស្វែងរកជំងឺមហារីកពោះវៀនធំ។
ប្រសិនបើការដុះសាច់នេះមានទំហំធំ ពួកវាអាចបណ្តាលឱ្យមានរោគសញ្ញាបាន។អ្នកប្រហែល ជាមានការហូរឈាមពីចុងពោះវៀន ឬមានបញ្ហាក្នុងការបន្ទោរបង់។ បញ្ហាទាំងនោះរួមបញ្ចូល ទាំងការរាគ ទល់លាមក ទៅបន្ទប់ទឹកជាញឹកញាប់ ឬតិចជាងធម្មតា ឬការផ្លាស់ប្តូរពណ៌លាមករបស់អ្នក។
អ្នកទំនងជាអាចមានការដុះសាច់ប្រសិនបើ
- អ្នកមានអាយុលើសពី៥០ឆ្នាំ
- ដុះសាច់ ឬជំងឺមហារីកពោះវៀនធំដែលធ្លាប់កើតមានក្នុងគ្រួសាររបស់អ្នក
- អ្នកមានហ្សែនជាក់លាក់មួយដែលបណ្តាលឱ្យអ្នកមានការវិវឌ្ឍរកការដុះសាច់
- មនុស្សដែលមានហ្សែន នេះគឺទំនងជាកើតច្រើនជាងអ្នកផ្សេងទៀត ដែលការដុះសាច់ អាចប្ដូរទៅជាជំងឺមហារីកពោះវៀនធំ
គ្រូពេទ្យជាធម្មតាវះកាត់យកសាច់ដែលដុះនោះចេញដោយសារតែពួកវាមួយចំនួនអាចក្លាយទៅជាជំងឺមហារីកពោះវៀនធំ។ ការដុះសាច់ភាគច្រើនត្រូវបានកាត់យកចេញក្នុងកំឡុងពេល ឆ្លុះពោះវៀន(colonoscopy)។ អ្នកប្រហែលជាត្រូវការការវះកាត់ប្រសិនបើសាច់ដែលដុះនោះ ធំពេក។នៅពេលដែលអ្នកមានការដុះសាច់អ្នកអាចមានឱកាសខ្ពស់នៃការវិវឌ្ឍការដុះសាច់នេះជាថ្មី។ ប្រសិនបើសាច់ដែលដុះនោះត្រូវបានយកចេញវាជាការសំខាន់ណាស់ដើម្បីនឹងធ្វើតេស្តតាមដានដើម្បីរកមើលការដុះជាថ្មី។ពិភាក្សាជាមួយវេជ្ជបណ្ឌិតរបស់អ្នកអំពីរបៀបជាញឹកញាប់ដែលអ្នកត្រូវការធ្វើតេស្តនេះ៕
0 comments:
Post a Comment