លទ្ធផលកាលពីយប់មិញ បានបង្ហាញច្បាស់ហើយថាក្រុមណាខ្លះឡើងទៅលេងវគ្គ១៦ក្រុមចុងក្រោយ Champions League និងក្រុមណាខ្លះដែលធ្លាក់។ អ្វីដែលគួរឲ្យកត់សម្គាល់ គឺក្នុងចំណោមក្រុមជាប់ទាំង១៦ មានក្រុមមកពីអង់គ្លេស អាល្លឺម៉ង់៤ដូចគ្នា អេស្ប៉ាញមាន៣ ខណៈអ៊ីតាលីសល់តែមួយក្រុមប៉ុណ្ណោះ។
កីឡាករក្រុម Dortmund អបអរក្រោយស៊ុតបញ្ចូលទី
គូដំបូងដែលធ្វើការប្រកួតឡើងវិញក្រោយផ្អាកដោយសារព្រិលធ្លាក់ខ្លាំងកាលពីយប់ម្សិលមិញ គឺ Galatasaray បានទម្លាក់ក្រុមយក្សអ៊ីតាលី Juventus ក្រោយយកឈ្នះ ១-០។ លទ្ធផលនេះគឺជួយឲ្យក្រុមជើងឯកទួរគីមួយនេះ ឈរនៅលេខ២ក្នុងពូល B បន្ទាប់ពី Real Madrid ខណៈសេះបង្កង់បានត្រឹមលេខ៣។
Napoli ស៊ី Arsenal តែធ្លាក់
ចំណែកពូល E វិញ ក្រុម Schalke បានឡើងទៅជាមួយតោខៀវ Chelsea ក្រោយស៊ី Basel ២-០។ ចំណែក Chelsea ដែលជាប់ស្រាប់តាំងពីសប្ដាហ៍មុននោះ ក៏បានយកឈ្នះ Steaua Bucuresti ១-០ ដើម្បីឈរនៅលេខ១ក្នុងពូល ដោយមាន១២ពិន្ទុ ខណៈ Schalke មាន១០ពិន្ទុ។
ងាកទៅមើលពូលតានតឹងជាងគេ គឺពូល F ឯណោះវិញ ក្រុម Dortmund បានជាប់ទាំងត្រដាបត្រដួស ក្រោយស៊ីក្រុមមិនដែលឈ្នះ Marseille ២-១ នៅចុងម៉ោង។ លទ្ធផលឈ្នះរបស់ Dortmund បានធ្វើឲ្យ Napoli បានត្រឹមឈឺចាប់ ទោះឈ្នះ Arsenal ២-០ ក៏ដោយ។ ក្រុមទាំង៣មាន១២ពិន្ទុដូចគ្នា ប៉ុន្តែក្រុម Napoli របស់លោក Rafael Benitez មានសំណល់គ្រាប់បាល់តិចជាងគេ។
AC Milan និង Ajax បញ្ចប់ទៅដោយគ្មានគ្រាប់បាល់
រីឯពូល G ដែលមានការប្រជែងគ្នាយកកៅអីលេខ២រវាងក្រុម Porto និង Zenit Petersberg នោះ ទីបំផុតបានទៅ Zenit ទោះក្រុមមកពីរុស្សីមួយនេះចាញ់ Austria Wien ដល់ទៅ ៤-១ ក៏ដោយ។ ការជាប់នេះ គឺដោយសារ Porto ក៏ចាញ់ដែរ គឺចាញ់ក្រុមកំពូលតារាងដែលជាប់ស្រាប់ Atletico Madrid ២-០។
ឯពូល H វិញ ក្រុមជាប់ស្វ័យប្រវត្តិ Barcelona បានលត់ក្រុមធ្លាក់ស្វ័យប្រវត្តិ Celtic ៦-១ ខណៈក្រុម២ដែលត្រូវប្រជែងគ្នាយកលេខ២ គឺ AC Milan និង Ajax បានបញ្ចប់ទៅត្រឹមស្មើ ០-០។ លទ្ធផលស្មើនេះ គឺជួយ AC Milan នៅតែឈរលេខ២ក្នុងពូលដើម្បីបន្តជីវិតក្រុមមកពីអ៊ីតាលីឲ្យនៅមានមុខនៅវគ្គ១៦ក្រុមចុងក្រោយ។
Neymar ធ្វើបានហ៊ែតទ្រីកឲ្យ Barcelona
លទ្ធផលទាំងអស់កាលពីយប់មិញ៖
សរុបមកវិញ ក្រុមដែលជាប់ទៅវគ្គ១៦ក្រុមចុងក្រោយរួមមានក្រុមមកពីអេស្ប៉ាញ៣ អង់គ្លេស៤ អាល្លឺម៉ង់៤ បារាំង១ ទួរគី១ ក្រិក១ រុស្សី១ និងអ៊ីតាលី១។ ក្រុមទាំង១៦នោះ មានដូចខាងក្រោម៖
ក្រុមលេខ១ក្នុងពូល៖ Manchester United (អង់គ្លេស), Real Madrid (អេស្ប៉ាញ), Paris Saint-Germain (បារាំង), Bayern Munich (អាល្លឺម៉ង់), Chelsea (អង់គ្លេស), Borussia Dortmund (អាល្លឺម៉ង់), Atlético Madrid (អេស្ប៉ាញ), Barcelona (អេស្ប៉ាញ)
ក្រុមលេខ២ក្នុងពូល៖ Bayer Leverkusen (អាល្លឺម៉ង់), Galatasaray (ទួរគី), Olympiacos (ក្រិក), Manchester City (អង់គ្លេស), Schalke 04 (អាល្លឺម៉ង់), Arsenal (អង់គ្លេស), Zenit (រុស្សី) និង AC Milan (អ៊ីតាលី)។
ក្រុមកីឡាករ Chelsea អបអរក្រោយស៊ុតបញ្ចូលទី
ចំណែកក្រុមលេខ៣ក្នុងពូលដែលត្រូវទៅលេងវគ្គ៣២ក្រុមចុងក្រោយនៅ Europa League វិញ រួមមាន៖ Shakhtar Donetsk (អ៊ុយក្រែន), Juventus (អ៊ីតាលី), Benfica (ព័រទុយហ្គាល់), Viktoria Plzeň (សាធារណរដ្ឋឆេក), Basel (ស្វីស), Napoli (អ៊ីតាលី), FC Porto (ព័រទុយហ្គាល់) និង Ajax (ហុល្លង់)។
អត្ថបទទាក់ទង៖ Man City បញ្ចប់កំណត់ត្រា Bayern ខណៈ CR7 បំបែកកំណត់ត្រាស៊ុតបញ្ចូលទី
0 comments:
Post a Comment