គ្រុនក្តៅ ឬ ក្តៅខ្លួន ត្រូវបានគេស្គាល់ផងដែរថាជាការដែលមានសីតុណ្ហភាពខ្ពស់មួយនៅក្នុងខ្លួនរបស់អ្នក ហើយក៏មិនមែនជាការកើនឡើងដោយខ្លួនវាផ្ទាល់ដោយមិនមានហេតុផលដែរ។ ជាធម្មតា វាជារោគសញ្ញានៃស្ថានភាពជំងឺ ដែលជាញឹកញាប់បំផុតគឺ មានការឆ្លងមេរោគ ឬ រលាក។
ជាធម្មតាជំងឺគ្រុនក្តៅ ត្រូវបានភ្ជាប់ជាមួយ ការមិនស្រួល រាងកាយ និងមនុស្សភាគច្រើនមានអារម្មណ៍ល្អប្រសើរជាងមុន នៅពេលដែលគ្រុនក្តៅ ត្រូវបានព្យាបាល។ ប៉ុន្តែ វាអាស្រ័យលើអាយុ របស់អ្នក ស្ថានភាពកាយសម្បទា និង មូលហេតុនៃជំងឺគ្រុនក្តៅ របស់អ្នក អ្នកអាច ឬ មិនអាច តម្រូវឱ្យមានការព្យាបាល ជំងឺគ្រុនក្តៅ តែម្នាក់ឯងនោះទេ។ អ្នកជំនាញជាច្រើន ជឿថាការក្តៅខ្លួន គឺជាការដែលខ្លួនអ្នកធ្វើការការពារ រាងកាយរបស់អ្នកប្រឆាំងនឹងការឆ្លងមេរោគ។ ក៏មានមូលហេតុជាច្រើនទៀត ដែលមិនមែនជាការរលាកទេ ដែលធ្វើឱ្យមានការក្តៅខ្លួន។
ក្តៅខ្លួន ត្រូវបានចាត់ទុកថា ជាទូទៅ មិនមានគ្រោះថ្នាក់នោះទេ ប៉ុន្តែ ការក្តៅខ្លួនខ្លាំងពេក ក៏អាចបណ្ដាលឱ្យមានកំណើនគ្រោះថា្នក់ដល់រាងកាយរបស់អ្នកដែរ។ នេះអាចដោយសារតែមាន សីតុណ្ហាភាពក្តៅខ្លាំង បានផ្សារភ្ជាប់ជាមួយនឹង ការរងរបួសដោយសារកំដៅ ផលប៉ះពាល់នៃថ្នាំមួយចំនួន ឬ ការប្រើប្រាស់ថ្នាំខុសច្បាប់ និង ជំងឺដាច់សរសៃឈាមខួរក្បាល។ ជាមួយនឹងការឡើងកំដៅខ្លាំងនោះ រូបរាងកាយរបស់អ្នក ក៏លែងអាចគ្រប់គ្រងលើ រាងកាយរបស់អ្នកបានដូចគ្នា។
នៅក្នុងកុមារដែលមានជំងឺគ្រុនក្តៅ រោគសញ្ញាដែលមានដូចជា សន្លឹម មានភាពមួរម៉ៅ មិនមានចំណង់អាហារ មានឈឺ បំពង់ក ក្អក ឈឺត្រចៀក និងការរាគ គឺមានសារៈសំខាន់ណាស់ ក្នុងការបញ្ជូនពួកគាត់ទៅកាន់វេជ្ជបណ្ឌិតរបស់អ្នក៕
0 comments:
Post a Comment