រោគសញ្ញាដែលថាបុរសអាចមានជំងឺគាំងបេះដូង
Breaking News
Loading...
Monday, December 16, 2013
.jpg)
នៅក្នុងរឿងកុន អ្នកមិនដែលសង្ស័យថាពេលណាដែលបុរសម្នាក់កំពុងតែមានអាការៈគាំងបេះដូងឡើយ។ គាត់អាចនឹងក្តាប់លើដើមទ្រូង, ស្រែក ឬរអ៊ូរទាំងឈឺចាប់ និងដួលទៅលើដីតែម្តង។ បើសិនជាគាត់សំណាង នោះគឺជាការជួយសង្គ្រោះទាន់ពេល។
សម្រាប់ជីវិតពិតប្រាកដ រោគសញ្ញាមិនមែនតែងតែច្បាស់លាស់ជានិច្ចនោះទេ។ វេជ្ជបណ្ឌិត មហាមូដ ដាយ៉ា (Mohamud Daya, MD) សាស្ត្រាចារ្យរងខាងផ្នែកសង្គ្រោះបន្ទាន់នៅឯសាកលវិទ្យាល័យ Oregon Health and Science ក្នុងប្រទេសប៉ូឡូញ និយាយថា អ្នកខ្លះពិតជាធ្លាប់មានរោគសញ្ញា Hollywood-type Symptoms ប៉ុន្តែអ្នកខ្លះក៏គ្មានដែរ។ គាត់បន្ថែមទៀតថា “អ្នកខ្លះនិយាយថា ពួកគេគ្រាន់តែមានអារម្មណ៍មិនស្រួល ឬសរសៃមិនស្រួល, មិនប្រាកដជាឈឺចាប់មែនទែនឡើយ។ ពេលខ្លះ វាមានអារម្មណ៍ដូចជាធ្ងន់ៗ ឬមានសម្ពាធនៅក្នុងទ្រូងអញ្ចឹង”។
គ្រូពេទ្យនិយាយថា ជាទូទៅ រោគសញ្ញាបីប្រភេទដែលគេជួយប្រទះជាញឹកញាប់នៅពេលបុរសមានអាការៈគាំងបេះដូងនោះមានដូចជា៖
- ឈឺទ្រូង
- មិនស្រួលក្នុងទ្រូង
- មានសម្ពាធក្នុងទ្រូង
វេជ្ជបណ្ឌិត គ្រីស្ទីន ញ៉ូប៊ី (Kristin Newby, MD) អ្នកជំនាញខាងជំងឺបេះដូងនៅឯមជ្ឈមណ្ឌលជំងឺបេះដូង បាននិយាយថា “រោគសញ្ញានៅទ្រូងមួយចំនួនភាគច្រើនទាក់ទងនឹងជំងឺគាំងបេះដូង ប៉ុន្តែមនុស្សគ្រប់គ្នាបែរជាធ្លាប់មានអារម្មណ៍យល់ថាវាមានលក្ខណៈខុសៗគ្នាបន្តិចទៅវិញ។ ការប្រាប់ថាវាគឺជាការឈឺចាប់ ឬមានសម្ពាធ ឬតឹង ឬក្រហាយ ឬមានរោគសញ្ញាផ្សេងៗទៀតប្រហែលជាឆ្លុះបញ្ចាំងនូវការយល់ឃើញរបស់មនុស្សម្នាក់ៗលើរបស់មួយដូចៗគ្នា”។
ការឈឺទ្រូង ឬមិនស្រួលក្នុងទ្រូងអាចកើតឡើងលឿន ឬយឺត។ រោគសញ្ញាអាចមានទៅ និងមានមក ឬអាចកើតឡើងរយៈពេលច្រើនជាងបីនាទីក៏មានដែរ។ ចំពោះអ្នកជំងឺទឹកនោមផ្អែមអាចកើតមានជំងឺគាំងបេះដូងដោយគ្មានអារម្មណ៍នៃការឈឺចាប់ឡើយ។ វាក៏អាចទៅរួចដែរក្នុងការធ្លាប់មានអាការៈផ្សេងៗទៀត។ ខណៈពេលដែលមិនសូវមានរោគសញ្ញាអ្វីច្រើនជាងឈឺទ្រូងនោះ រោគសញ្ញាខាងក្រោមក៏អាចកើតមានលើអ្នកជំងឺគាំងបេះដូងដែរ៖
- មិនស្រួល ឬឈឺនៅតំបន់ផ្សេងៗទៀតដូចជា ដៃតែម្ខាង ឬទាំងសងខាង, ក, ថ្គាម, ខ្នង ឬក្រពះ។
- ពិបាកដកដង្ហើម, ឈឺក្បាល, ចង្អោរ ឬបែកញើស
- មិនស្រួលក្នុងពោះដែលវាប្រហែលជាធ្វើអោយអ្នកជំងឺយល់ថាជាការក្រហាយដើមទ្រូង៕
Subscribe to:
Post Comments (Atom)
0 comments:
Post a Comment