ស្លាប់៣នាក់ ពេលរថយន្តមន្ទីរពេទ្យសម្ភពថ្នល់ទទឹង បើកបុកម៉ូតូ
កណ្តាល: ៣នាក់ ឪពុក ម្តាយ និងកូនតូចមួយ បានស្លាប់ដោយគ្រោះថ្នាក់ចរាចរណ៍ដោយត្រូវរថយន្តមន្ទីរពេទ្យសម្ភពថ្នល់ទទឹង បើកបុកម៉ូតូពួកគាត់ កាលពីវេលាម៉ោងជិត៥ល្ងាចថ្ងៃទី២៣ខែធ្នូឆ្នាំ២០១៣ នៅចំណុចផ្លូវជាតិលេខ៤ ភូមិពងទឹក ឃុំដំណាក់អំពិល ស្រុកអង្គស្នួល។
រថយន្តបង្កហេតុ ម៉ាកសាំយ៉ុង ពណ៌ស ពាក់ស្លាក់លេខកណ្តាល 2A 7185 ដែលបើកដោយបុរសម្នាក់បានរត់គេចបាត់ ក្រោយពេលកើតហេតុ។
រថយន្តមន្ទីរពេទ្យសម្ភពថ្នល់ទទឹង បានបើកតាមផ្លូវជាតិលេខ៤ ពីលិចទៅកើត មកដល់ចំណុចកើតហេតុ ក៏ជ្រុលបុកម៉ូតូ ហុងដា សេ១២៥ បណ្តាលឲ្យមនុស្ស៣នាក់ស្លាប់។ ជនរងគ្រោះដែលស្លាប់ឈ្មោះសាន ចន្ធី អាយុ២៨ឆ្នាំ ជាឪពុក, ឈ្មោះទក សុធារី ជាម្តាយ និងកូនស្រីម្នាក់អាយុ១១ខែ។ គ្រោះថ្នាក់ចរាចរណ៍នេះកើតឡើងក្នុងទិសដៅបញ្ច្រាសគ្នា៕T/L
ប្រភពពី៖ www.khmer-note.com
0 comments:
Post a Comment